នៅចាំកុំព្យូទ័រ MacBook Pro របស់ក្រុមហ៊ុន Apple ដែលមាន Touch Bar បានទេ? អនាគតរបស់កុំព្យូទ័រនេះ សូម្បីតែក្ដារចុចក៏ជាអេក្រង់ដែរ…

កាលពីឆ្នាំ2016 ក្រុមហ៊ុន Lenovo បានសម្រេចចេញលក់ Laptop ថ្មីដែលបានលុបចោលនូវក្ដារចុចធម្មតា និងមនុស្សប្រើប្រាស់រាល់ថ្ងៃចោល តែជំនួសមកវិញដោយបន្ទះឌីជីថលវិញ ដែលអាចគូរ រឺសរសេរលើនោះបាន។ ជាការពិតណាស់ នាសម័យនោះការធ្វើបែបនេះគឺពិតជាអស្ចារ្យ និងមានគំនិតច្នៃប្រឌិតខ្ពស់ ប៉ុន្ដែក្រោយមកបច្ចេកវិទ្យានេះក៏ឈប់មានអ្នកប្រើប្រាស់ដោយសារតែវាពិបាក និងមិនមានភាពច្បាស់លាស់។

រហូតមកដល់ពេលបច្ចុប្បន្ន យើងសង្កេតឃើញថា ក្រុមហ៊ុន Apple ហាក់ដូចជាចង់យកគំនិតស្រដៀងគ្នានេះ មកបង្កើតជាអ្វីដែលថ្មី រួចបង្កើតផលិតផលដ៏អស្ចារ្យដែលមានភ្ជាប់មកជាមួយនឹងក្ដារចុចប្រភេទអេក្រង់ OLED វិញ។ អាចនិយាយបានថា នេះគឺជាការអភិវឌ្ឍពីមុខងារ Touch Bar ដែលយើងសង្កេតឃើញមានលើ MacBook Pro។

ទាក់ទងទៅនឹងប៉ាតង់ថ្មីនេះបានភ្ជាប់មកជាមួយនឹងការណែនាំមួយចំនួនថា “មានអេក្រង់ពីរ ជាមួយនឹងការបង្ហាញរូបភាពច្បាស់បែបចំណាំងផ្លាត។” យោងតាមការណែនាំប៉ុណ្ណេះ យើងអាចសន្មត់បានហើយថា លើកនេះកុំព្យូទ័រ MacBook Pro ជំនាន់ថ្មីអាចនឹងមានក្ដារចុចដែលជាអេក្រង់តែម្ដង ពោលគឺមិនមែនជាក្ដារចុចដែលមានរូបរាងដូចយើងប្រើប្រាស់រាល់ថ្ងៃនេះទេ។

Fu

ប្រភព៖ technobuffalo