ច្បាស់ការហើយ! សម្តេចតេជោ បញ្ជាក់ថា ពិធីមង្គលការអនុញ្ញាតឲ្យមានអ្នកចូលរួមច្រើនបំផុត ២០០នាក់ មិនរាប់អ្នកផ្តល់សេវានានា

នៅព្រឹកថ្ងៃចន្ទ ៤កើត ខែកត្តិក ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី៨ ខែវិច្ឆិកា ឆ្នាំ២០២១ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹង អញ្ជើញជាអធិបតីក្នុងពិធីសម្ពោធទីស្តីការនៃអគារក្រសួងរៀបចំដែនដី នគររូបនីយកម្ម និងសំណង់។

នៅក្នុងឪកាសនោះផងដែរ សម្តេចតេជោ ហ៊ុន សែន បានមានប្រសាសន៍ឲ្យដឹងថា ពិធីមង្គលការត្រូវបានអនុញ្ញាតឲ្យមានអ្នកចូលរួមច្រើនបំផុតចំនួន២០០នាក់ (ទាំងម្ចាស់ដើមការ និងភ្ញៀវ) ដោយមិនរាប់បញ្ចូលអ្នកផ្តល់សេវានានាដូចជា អ្នករត់តុ ចុងភៅ អ្នកថតរូប អាចារ្យ ឬអ្នកសំអាងជាដើម៕