បច្ចេកវិទ្យា

ក្រុមតារាចម្រៀងកូរ៉េ AOA បង្ហាញខ្លួនលើកដំបូងក្នុងព្រឹត្តិការណ៍ Unpack Galaxy A7 និង Galaxy A9 នៅប្រទេសម៉ាឡេស៊ី អ្នកគាំទ្រនាំគ្នាស្រែកហ៊ោរ

BY: Khmernote Media

: October 13, 2018

ក្រុមតារាចម្រៀងស្រីរបស់កូរ៉េដ៏ល្បីឈ្មោះ គឺក្រុម AOA បានបង្ហាញខ្លួនលើកដំបូងក្នុងព្រឹត្តិការណ៍ Unpack Galaxy A7 និង Galaxy A9 នៅប្រទេសម៉ាឡេស៊ី ដែលមានអ្នកសារព័ត៌មានជាច្រើនប្រទេសចូលរួម ហើយក៏មានអ្នកគាំទ្រក្រុមរបស់នាងយ៉ាងច្រើនកុះករផងដែរ កាលពីរសៀលថ្ងៃទី១១ ខែតុលា កន្លងទៅនេះ។ នៅក្នុងព្រឹត្តិការណ៍ដ៏អស្ចារ្យនេះដែរ ក្រុមតារាស្រី AOA ក៏បានបង្ហាញពីបទពិសោធន៍របស់ពួកនាងក្នុងការប្រើប្រាស់ ស្មាតហ្វូន Samsung ដែលមានកាមេរ៉ាខាងក្រោយដល់ទៅ 4គ្រាប់ដំបូងគេបង្អស់លើលោកនេះផងដែរ។

ក្រុមតារាស្រីសាច់សខ្ចីដូចបណ្តូលចេកទាំង6រូបបាននិយាយថា ពួកនាងពិតជាស្រលាញ់ខ្លាំងណាស់ចំពោះកាមេរ៉ារបស់ Galaxy A7 និង Galaxy A9 ដោយសារតែវាមានបំពាក់ Len ប្រភេទ Ultra Wide ចាប់ប្លង់ទូលាយបានរហូតដល់ទៅ ១២០ ដឺក្រេ ងាយស្រួលក្នុងការថតរូបគ្នាច្រើន និងចាប់ប្លង់បានស្អាតៗ។ ក្រៅពីបង្ហាញបទពិសោធន៍ប្រើប្រាស់ទៅកាន់អ្នកគាំទ្ររបស់នាងក៏ដូចជាអ្នកសារព័ត៌មានជាច្រើនប្រទេសផ្សេងៗមកពីតំបន់អាស៊ីអាគ្នេយ៍ ក្រុម AOA ក៏បានច្រៀងចម្រៀងពិរោះៗ ដើម្បីបង្កបរិយាកាសរីករាយនៅក្នុងកម្មវិធីទាំងមូលផងដែរ។

គួរបញ្ជាក់ផងដែរថាសម្រាប់ Galaxy A7 នឹងប្រកាសឲ្យទទួល ការកុម្ម៉ង់ទុកមុន(Pre-Order)ចាប់ពីថ្ងៃទី១៣ ដល់ ២៥តុលា ឆ្នាំ២០១៨ ដែលមានជម្រើស៣ពណ៌សម្រាប់ជ្រើសរើសគឺពណ៌ខ្មៅ,ពណ៌ខៀវ និងពណ៌មាសក្នុងតម្លៃត្រឹមតែ$345 តែប៉ុណ្នោះជាមួយនឹងការផ្តល់ជូននូវកាដូបន្ថែមដូចជា Samsung Power bank 1 ដ៏ស្រស់ស្អាតដែលអាចផ្ទុកថាមពលបានរហូតដល់10,000mAh និងបាសបំពងសម្លេង (Speaker) JBL GO2 មួយដ៏កាលីប1ហើយអ្នកអាចទទួលបានទូរស័ព្ទនៅថ្ងៃទី ២៨ ដល់ទីថ្ងៃទី៣០ ខែ តុលា។សម្រាប់ Galaxy A9 វិញនិងបង្ហាញវត្តមាននៅលើទីផ្សារកម្ពុជាក្នុងខែវិច្ជិកាខាងមុខនេះ។