ក្រសួងសុខាភិបាល ណែនាំពីការការពារចម្លងវីរុសកូវីដ-១៩ និងប្រុងប្រយ័ត្នការពារសុខភាពក្នុងអំឡុងពេលអាកាសធាតុចុះត្រជាក់

រាជធានីភ្នំពេញ៖ យោងតាមការចុះផ្សាយរបស់ ក្រសួងសុខាភិបាល នៅថ្ងៃទី១៨ ខែវិច្ឆិកា ឆ្នាំ២០២១ បានសេចក្ដីជូនដំណឹងព័ត៌មានរបស់ ក្រសួងសុខាភិបាល ស្ដីពី ការការពារចម្លងវីរុសកូវីដ-១៩ និងការប្រុងប្រយ័ត្នការពារសុខភាពក្នុងអំឡុងពេលអាកាសធាតុចុះត្រជាក់។

ក្រសួងសុខាបាល សូមជម្រាបជូនសាធារណជនទាំងអស់ ឲ្យបានជ្រាបថា ស្ថានភាពជំងឺកូវីដ-១៩ នៅក្នុងព្រះរាជាណាចក្រកម្ពុជា ពិតមែនតែមានការថមថយខ្លះក៏ពិតមែន ប៉ុន្តែមិនទាន់បានបញ្ចប់នៅឡើយទេ។ បើទោះបីជាមិនមានការប្រារព្ធព្រះរាជពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក ប៉ុន្តែក្នុងអំឡុងពេលមានការឈប់សម្រាបព្រះរាជពិធីនេះ ឃើញថាបងប្អូនប្រជាពលរដ្ឋទាំងអស់ កំពុងតែមានកម្មវីធីដើរកំសាន្ត ជួបជុំ និងចូលរួមក្នុងពិធីបុណ្យនានាមួយចំនួន។ ដូច្នេះ ក្រសួងសុខាភិបាល សូមធ្វើការក្រើនរលឹក និងអំពាវនាវសារជាថ្មី ជូនដល់សាធារណជន និងបងប្អូនប្រជាពលរដ្ឋទាំងអស់ ត្រូវតែបន្តអនុវត្តតាមការណែនាំដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នូវវិធានការ “៣កុំ និង៣ការពារ” ។

លើសពីនេះទៅទៀត ព្រះរាជាណាចក្រកម្ពុជា បានឈានចូលជាបណ្ដើរ​ៗ ដល់ពេលវេលាដែលអាកាសធាតុត្រជាក់នៃរដូវរងារបាននិងកំពុងមកដល់ ដូច្នេះ ដើម្បីការពារសុខភាពផ្ទាល់ខ្លួន និងក្រុមគ្រួសារឲ្យបានល្អ និងអាចជៀសផុតពីជំងឺដង្កាត់ ដែលអាចកើតមានជាយថាហេតុបណ្ដាលមកពីអាកាសធាតុចុះត្រជាក់នេះ ឯកឧត្តមសាស្ត្រចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល សូមធ្វើការណែនាំ នូវសារអប់រំដល់ប្រជាពលរដ្ឋទូទាំងប្រទេស ជាពិសេសប្រជាពលជនដែលរស់នៅក្នុងតំបន់ដែលមានអាកាសធាតុចុះត្រជាក់ខ្លាំង នូវសារអប់រំសុខាភាព និងការបង្ការសុខភាពសំខាន់ៗ មានដូចខាងក្រោម៖