ក្រសួងសុខាភិបាល ក្រើនរំលឹកការការពារចម្លងជំងឺកូវីដ-១៩ ជំងឺផ្ដាសាយបក្សី និងការបង្ការការពុលចំណីអាហារ ដែលរៀបចំមិនត្រឹមត្រូវ នាឱកាសរៀបចំសែនដូនតា និងបុណ្យចូលឆ្នាំថ្មីប្រពៃណីជាតិខ្មែរ
រាជធានីភ្នំពេញ៖ យោងតាមការចុះផ្សាយរបស់ ក្រសួងសុខាភិបាល នៅថ្ងៃទី២៤ ខែមករា ឆ្នាំ២០២២ បានចេញសេចក្ដីប្រកាសណែនាំក្រើនរំលឹករបស់ក្រសួងសុខាភិបាល ស្ដីពី ការការពារចម្លងជំងឺកូវីដ-១៩ ជំងឺផ្ដាសាយបក្សី និងការបង្ការការពុលចំណីអាហារ ឬពុលស្រាស ដែលរៀបចំមិនត្រឹមត្រូវ នាឱកាសរៀបចំសែនដូនតា និងនាឱកាសចូលឆ្នាំថ្មីប្រពៃណីជាតិខ្មែរ នាពេលខាងមុខ។
ដោយសង្កេតឃើញថា ជារៀងរាល់ឆ្នាំ បងប្អូនប្រជាពលរដ្ឋយើងមួយចំនួន បានប្រារព្ធពិធីសែនដូនតាផ្សេងៗ ដែលមានការទិញ និងចរាចរនូវបសុបក្សីច្រើន ដែលអាចមានហានិភ័យនៃការចម្លងនូវវីរុសផ្ដាសាយបក្សី ដែលមាននៅលើសត្វ និងក្នុងបរិស្ថាន មកមនុស្សបានគ្រប់ពេលវេលា ប្រសិនបើមានការបង្ការបានត្រឹមត្រូវនោះទេ។ ម្យ៉ាងទៀត ជំងឺដង្កាត់ផ្សេងៗ និងការពុលចំណីអាហារ ឬពុលស្រាស ក៏តែងតែសង្កេតឃើញកើតឡើង នៅតាមតំបន់ ឬទីតាំងមួយចំនួននៅក្នុងប្រទេស ដែលយើងទាំងអស់គ្នា ត្រូវបង្កើននូវការប្រុងប្រយ័ត្នខ្ពស់ដោយបុគ្គលម្នាក់ ត្រូវខិតខំថែរក្សាការពារសុខភាពឲ្យបានល្អប្រសើរនៅគ្រប់កាលៈទេសៈ ៕
ខាងក្រោមជាសេចក្ដីប្រកាសលម្អិតរបស់ ក្រសួងសុខាភិបាល ៖
