ចង់ផុសរូបបែប 3D ដូចគេនៅលើហ្វេសប៊ុកអត់? នេះគឺជារបៀបផុស

កាលពីពេលថ្មីៗកន្លងទៅនេះ ក្រុមហ៊ុនបណ្តាញសង្គមយក្ស ហ្វេសប៊ុក បានបង្ហាញពីមុខងារថ្មី ដែលអាចឲ្យអ្នកប្រើប្រាស់បង្ហោះរូបបែប 3D បាន។ មុខងារថ្មីនេះកំពុងមានកាពេញនិយមយ៉ាងខ្លាំង នៅលើបណ្ដាញសង្គមមួយនេះ។ នៅក្នុងវីដេអូមួយ ហ្វេសប៊ុកបានណែនាំពីរបៀបនៃការបង្ហោះរូបភាពជាលក្ខណៈ 3D នេះ ដោយគ្រាន់តែចូលទៅកន្លែងផុសរូបភាព ហើយចូលទៅយកពាក្យ 3D Photo រួចជ្រើសរើសរូបភាព ដែលអ្នកចង់ផុស នោះរូបភាពនឹងក្លាយទៅជារូបបែប 3D ។ តែសម្រាប់មុខងារថ្មីនេះ អាចប្រើប្រាស់បានតែលើស្មាតហ្វូន iPhone ដែលមាន កាមេរ៉ាភ្លោះ និង iPhone ជំនាន់ក្រោយៗតែប៉ុណ្ណោះ។ តែសម្រាប់អ្នកប្រើប្រាស់ហ្វេសប៊ុកលើ Android និង កុំព្យូទ័រមិនទាន់អាចបង្ហោះរូបភាព 3D នេះបាននៅឡើយទេ ប៉ុន្តែអាចមើលរូបភាពបែប 3D នោះបាន៕

https://www.facebook.com/Facebook360/videos/1757729227689232/

អត្ថបទ៖ ឧស្សាហ៍
ប្រភព៖ indianexpress