ឆ្លងចរន្តអគ្គិសនី បង្កជាអគ្គិភ័យឆាបឆេះផ្ទះកាត់ដេរខោអាវមួយកន្លែង នៅសង្កាត់បឹងកេងកងទី១ ខណ្ឌដូនពេញ

រាជធានីភ្នំពេញ៖ យោងតាមការចុះផ្សាយរបស់ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ បានឲ្យដឹងថា នៅវេលាម៉ោង ១០៖៣០ នាទីព្រឹក ថ្ងៃសៅរ៍ ៧រោច ខែចេត្រ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២៣ ខែមេសា ឆ្នាំ២០២២ មានករណីអគ្គិភ័យមួយកន្លែងបានកើតឡើងនៅចំណុចផ្ទះកាត់ដេរខោអាវ ផ្លូវ៦៣ ភូមិ៤ សង្កាត់បឹងកេងកងទី១ ខណ្ឌដូនពេញ រាជធានីភ្នំពេញ ម្ចាស់ទីតាំងឈ្មោះ សាត សុខារ័ត្ន ភេទ ស្រី អាយុ ៣៨ ឆ្នាំ មុខរបរ កាត់ដេរ។

+ មូលហេតុ៖ បណ្តាលមកពីឆ្លងចរន្តអគ្គិសនី។
+ ប្រភេទសំណង់៖ ថ្មប្រក់ស័ង្កសី ទំហំ ៣,៥ម៉ែត្រ x ១៨ម៉ែត្រ ។
+ ខូចខាតសម្ភារៈ៖ ឆេះសម្ភារៈប្រើប្រាស់អស់មួយចំនួន និងពុំបណ្តាលអោយរាលដាលដល់ផ្ទះអ្នកក្បែរខាងឡើយ។
– បាត់បង់ជីវិតមនុស្ស៖ គ្មាន ។
– របួសមនុស្ស៖ គ្មាន ។

+ កងកម្លាំងអន្តរាគមន៍បង្ការពន្លត់អគ្គិភ័យបានប្រើប្រាស់រថយន្តការិយាល័យអគ្គិភ័យ៖ ចំនួន ០៥ គ្រឿង ប្រើប្រាស់ទឹកអស់ ១៧ រថយន្ត ស្មើរនឹង ៦៨ម៉ែត្រគូប។ ពន្លត់ចប់នៅវេលាម៉ោង ១២និង៤០នាទី ថ្ងៃខែឆ្នាំដដែល ៕

ប្រភព​៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ