អាជីវករ និងប្រជាពលរដ្ឋចេញចូលក្នុងផ្សាររដ្ឋទាំង២៥ ប្រមាណ ៥០% មិនពាក់ម៉ាស់ ក្រោយប្រមុខរាជរដ្ឋបាលភិបាលប្រកាសលុបចោលកាតព្វកិច្ចពាក់ម៉ាស់នៅទូទាំងប្រទេស ចំពោះទីកន្លែងសាធារណៈនិងទីកន្លែងចំហ
រាជធានីភ្នំពេញ៖ យោងតាមការចុះផ្សាយរបស់ ក្រសួងព័ត៌មាន នៅថ្ងៃទី០៥ ខែឧសភា ឆ្នាំ២០២២ បានឲ្យដឹងថា បន្ទាប់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានប្រកាសពីការលើកលែងកាតព្វកិច្ចពាក់ម៉ាស់ការពារការឆ្លងជំងឺកូវីដ-១៩នៅកម្ពុជាតាមទីសាធារណៈ កាលពីថ្ងៃទី២៦ ខែមេសា ឆ្នាំ២០២២កន្លងមកនេះ គេសង្កេតឃើញថា បងប្អូនប្រជាពលរដ្ឋទូទាំងរាជធានីភ្នំពេញមួយចំនួនបានបោះបង់ចោលមិនពាក់ម៉ាស់ និងមួយចំនួនទៀតនៅតែបន្តការពាក់ម៉ាស់ជាធម្មតា។
ជាក់ស្ដែង ទាំងបងប្អូនប្រជាពលរដ្ឋដែលចេញចូលក្នុងផ្សាររដ្ឋទាំង២៥ផ្សារ ព្រមទាំងក្រុមអាជីវករប្រមាណ ៥០% មិនពាក់ម៉ាស់ និង ៥០% ទៀតនៅតែបន្តការពាក់ម៉ាស់ជាធម្មតា។ យោងតាមរបាយការណ៍របស់គណៈកម្មការផ្សាររដ្ឋទាំង២៥ផ្សារបានឱ្យដឹងថា នៅថ្ងៃទី០៤ ខែឧសភា ឆ្នាំ២០២២នេះ ទាំងអាជីវករ និងបងប្អូនប្រជាពលរដ្ឋចេញចូលក្នុងផ្សារដែលមិនពាក់ម៉ាស់រួមមាន៖
១.ផ្សារបឹងកេងកង មិនពាក់ម៉ាស់ ចំនួន៣៥%
២.ផ្សារជម្ពូវ័ន មិនពាក់ម៉ាស់ចំនួន៥០%
៣.ផ្សារដើមគ មិនពាក់ម៉ាស់ចំនួន៦០%
៤.ផ្សាចាក់អង្រែ មិនពាក់ម៉ាស់ចំនួន៥០%
៥.ផ្សារសេនជូរីផ្លាហ្សា មិនពាក់ម៉ាស់ចំនួន៤០%
៦.ផ្សារអូឫស្សី មិនពាក់ម៉ាស់ចំនួន៣៥%
៧.ផ្សារដេប៉ូ មិនពាក់ម៉ាស់ចំនួនប្រហែល៣៥ ភាគរយ។
៨.ផ្សារបឹងទំពុន មិនពាក់ម៉ាស់ចំនួន៧៥%
៩.ផ្សារច្រាំងចំណេះ មិនពាក់ម៉ាស់ចំនួន៦០%
១០.ផ្សារទឹកថ្លា មិនពាក់ម៉ាស់ចំនួន៤០%
១១.ផ្សារបន្លែ មិនពាក់ម៉ាស់ ប្រមាណ ៥០%
១២.ផ្សារទួលសង្កែ មិនពាក់ម៉ាស់ចំនួន៤៥%
១៣.ផ្សារគីឡូម៉ែត្រលេខ៦ មិនពាក់ម៉ាស់ប្រហែល៤៥%
១៤.ផ្សារពោធិចិនតុង មិនពាក់ម៉ាស់ចំនួន៧០%
១៥.ផ្សារទួលទំពូង មិនពាក់ម៉ាស់ចំនួន៤០%
១៦.ផ្សារធំថ្មី មិនពាក់ម៉ាស់ចំនួន៤០%
១៧.ផ្សារកណ្តាល មិនពាក់ម៉ាស់ចំនួន៥០%
១៨.ផ្សារកាប់គោ មិនពាក់មាស់ចំនួន៦០%
១៩.ផ្សារស្ទឹងមានជ័យ មិនពាក់ម៉ាស
២០.ផ្សារចាស់ មិនពាក់ម៉ាស់
២១.ផ្សារច្បារអំពៅ មិនពាក់ម៉ាស់
២២.ផ្សារព្រែកលៀប មិនពាក់ម៉ាស់
២៣.ផ្សារអូរឡាំពិក មិនពាក់ម៉ាស់
២៤.ផ្សារសាមគ្គី មិនពាក់ម៉ាស់ចំនួន ៣៦ភាគរយ។
លោក លាប ប៊ុនណ្ណារិទ្ធ ប្រធានគណៈកម្មការគ្រប់គ្រងផ្សារជម្ពូវ័នបានឱ្យដឹងថា នៅថ្ងៃទី០៤ ខែឧសភា ឆ្នាំ២០២២នេះ បងប្អូនអាជីវករមកបើកតូបលក់ដូរមានចំនួនប្រហែល៨០% និងអតិថិជនចេញចូលមកទិញទំនិញមានប្រហែល៧០%។ លោកបន្តថា បន្ទាប់ពីបានផ្សព្វផ្សាយសារពិសេសសម្តេចតេជោសម្រេចលុបបំបាត់កាតព្វកិច្ចពាក់ម៉ាស់នៅទីសាធារណៈមក បងប្អូនអាជីវករ អតិថិជន អ្នករត់ម៉ូតូឌុប ម៉ូតូកង់បី ផាស់អាប់មានការសប្បាយរីករាយ និងបានថ្លែងអំណរគុណសម្តេចតេជោដ៏ជ្រាលជ្រៅបំផុតដែលបានចែកម៉ាស់ដល់គាត់នាពេលកន្លងមក និងឈប់ពាក់ម៉ាស់ចំនួនប្រហែល ៥០% និងបន្តពាក់ម៉ាស់ចំនួនប្រហែល៥០%។
លោកប្រធានផ្សារជម្ពូវ័នបានឱ្យដឹងទៀតថា ចំពោះទំនិញដែលជាតម្រូវការចាំបាច់ប្រចាំថ្ងៃមិនមានការឡើងថ្លៃទេ។ គណៈកម្មការផ្សារបានផ្សព្វផ្សាយដល់អាជីវករផ្សារត្រូវប្រុងប្រយ័ត្នបិទប៉ារ៉ែតភ្លើង និងពន្លត់ភ្លើងទាន ធូបជាមុនសិនមុនចាកចេញពីតូបត្រឡប់ទៅផ្ទះវិញ និងធ្វើអនាម័យ ព្រមទាំងល្បាតជុំវិញផ្សារជាប្រចាំដើម្បីបង្ការទប់ស្កាត់បទល្មើស និងបរិស្ថានល្អ៕
ប្រភព៖ ក្រសួងព័ត៌មាន