នាយកដ្ឋានប្រយុទ្ធនឹងជំងឺឆ្លង បង្ហាញពីចំណេះដឹងទាក់ទងនឹងជំងឺអ៊ុតស្វា និងពិធីការពារខ្លួនកុំឆ្លងជំងឺនេះ
រាជធានីភ្នំពេញ៖ យោងតាមការចុះផ្សាយរបស់ នាយកដ្ឋានប្រយុទ្ធនឹងជំងឺឆ្លង CDC នៅថ្ងៃទី០៤ ខែមិថុនា ឆ្នាំ២០២២ បានចេញសេចក្ដីព័ត៌មានអំពីជំងឺអុតស្វា (Monkeypox) តើជំងឺអុតស្វា ចម្លងរបៀបណា?
ជំងឺអុតស្វា (Monkeypox) គឺឆ្លងតាមរយៈការប៉ះពាល់រាងកាយផ្ទាល់ ឬប៉ះពាល់ជិតស្និទ្ធជាមួយអ្នកដែលមានរោគសញ្ញារួមទាំង ទំនាក់ទំនងផ្លូវភេទ មួយវិញទៀត ការឆ្លងនៅតាមសម្លៀកបំពាក់ ពូក កន្សែង ឬសម្ភារៈ ដូចជាសម្ភារៈបរិភោគអាហារ/ចានក្បាន ដែលអ្នកកើតជំងឺអុតស្វា (Monkeypox) បានប្រើប្រាស់ ឡូកឡំគ្នា។ ការឆ្លងតាមរយៈទឹកមាត់អ្នកជំងឺ(អ្នកជំងឺមានដំបៅក្នុងមាត់) ជាពិសេសការឆ្លងពីអ្នកមានផ្ទៃពោះទៅតាមរយៈទងសុក និងឆ្លងពីឪពុកម្តាយ ដែលមានវីរុសទៅកូនអំឡុងពេល ឬក្រោយពេលឆ្លងទន្លេ តាមរយៈការប៉ះនឹងស្បែក វីរុសនេះមាននៅលើសត្វកកេរព្រៃ ដែលវីរុសនេះមានប្រចាំនៅអាព្រិចខាងលិច និងអាព្រិចកណ្ដាលហើយបច្ចុប្បន្នបាននិងកំពុងឆ្លងនៅទ្វីបអឺរុ៉ប អាមេរិក កាណាដា។
ដើម្បីការពារការឆ្លងជំងឺអុតស្វា(Monkeypox) ដោយអនុវត្តដូចខាងក្រោម៖
-រក្សាអនាម័យខ្លួនប្រាណ លាងដៃជានិច្ចជាមួយសាប៊ូ ឬជែលលាងដៃ ឬអាល់កុល លាងដៃ និងរក្សាអនាម័យផ្លូវដង្ហើម។
-ចៀសវាងការប៉ះពាល់ដោយផ្ទាល់ជាមួយអ្នកជំងឺអុតស្វា។
-អនុវត្តការរួមភេទប្រកបដោយសុវត្ថិភាពដោយ ប្រើស្រោមអនាម័យ។
-បរិភោគចំណីអាហារដែលឆ្អិនល្អ និងរក្សាអនាម័យចំណីអាហារទាំងការចម្អិនអាហាឲ្យបានល្អ។
-ចៀសវាងការប៉ះពាល់ជាមួយសត្វ រស់ ឬស្លាប់។
រោគសញ្ញានៃជំងឺមានដូចជា៖
-ក្ដៅខ្លួន ឈឺក្បាលខ្លាំង ហើមកូនកណ្ដុរ ឈឺសាច់ដុំ និងចេញកន្ទួលដែលមានពងបែក។
-កន្ទួលមានទំនោរប្រមូលផ្ដុំនៅលើមុខ បាតដៃ និងបាតជើង
-មាត់ ប្រដាប់ភេទ និងភ្នែក អាចរងផលប៉ះពាល់ដែរ
-រោគសញ្ញានិងកន្ទួលលើស្បែក មានរយៈពេលជាច្រើនសប្ដាហ៍ ៕
