អគ្គនាយកដ្ឋានពន្ធដារ ចេញលិខិតអញ្ជើញក្រុមហ៊ុនឈ្មោះ “ព្រលានយន្តហោះពោចិនតុង” មកទូទាត់បំណុលពន្ធ
រាជធានីភ្នំពេញ៖ យោងតាមការចុះផ្សាយរបស់ អគ្គនាយកដ្ឋានពន្ធដារ នៅថ្ងៃទី០៩ ខែមិថុនា ឆ្នាំ២០២២ បានចេញលិខិតអញ្ជើញ លោក-លោកស្រីនាយក ព្រលានយន្តហោះពោចិនតុង មកទូទាត់បំណុលពន្ធ។
អគ្គនាយកដ្ឋាន នៃក្រសួងសេដ្ឋកិច្ច និងហិរញ្ញវត្ថុ សូមជម្រាបជូនលោក-លោកស្រី នាយកក្រុមហ៊ុន ព្រលានយន្ត ហោះពោចិនតុង ខាងលើឲ្យបានជ្រាបថា ការបង់អាករគឺជាកាតព្វកិច្ចរបស់អ្នកជាប់ពន្ធគ្រប់រូបដើម្បីចូលរួមចំណែក្នុងថវិកាជាតិ។
កន្លងមក អគ្គនាយកដ្ឋាន បានអញ្ជើញលោក-លោកស្រី នាយកក្រុមហ៊ុន ដើម្បីមកដោះស្រាយបំណុលរបស់ក្រុមហ៊ុន តាមរយៈលិខិតអញ្ជើញ ជូនដល់អាសយដ្ឋានក្រុមហ៊ុន ដែលបានចុះបញ្ជីនៅរដ្ឋបាលសារពើពន្ធ ប៉ុន្តែលោក-លោកស្រី នាយកមិនបានមកតាមការអញ្ជើញ និងមិនបានទូទាត់បំណុលពន្ធឡើយ។ អគ្គនាយកដ្ឋានពន្ធដារ សូមអញ្ជើញលោក-លោកស្រីនាយក មកសាខាពន្ធដារខណ្ឌពោធិ៍សែនជ័យ មិនឲ្យលើសពី ១៥ថ្ងៃ បន្ទាប់ពីកាលបរិច្ឆេទលើលិខិតអញ្ជើញក្នុងសារព័ត៌មាននេះ ដើម្បីដោះស្រាយបំណុលពន្ធរដ្ឋ ៕
