ស្នងការខេត្តបាត់ដំបង ឃាត់រថយន្តធុនតូចនិងធុនធំដឹកសំពីងសំពោងចំនួន៨គ្រឿង ដែលល្មើសចូលក្នុងក្រុងបាត់ដំបង

ខេត្តបាត់ដំបង៖ យោងតាមការចុះផ្សាយរបស់ ស្នងការដ្ឋាននគរបាលខេត្តបាត់ដំបង បានឲ្យដឹងថា នៅព្រឹកថ្ងៃសៅរ៍ ១២កើត ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវថ្ងៃទី១១ ខែមិថុនា ឆ្នាំ២០២២ អនុវត្តតាមយោបល់បញ្ជាដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចយោបល់លោកវរសេនីយ៍ឯក ប៉ូវ វណ្ណឌី ស្នងការរងផែនការងារសណ្តាប់ធ្នាប់ លោកវរសេនីយ៍ឯក ចាន់ សុធី នាយការិយាល័យនគរបាលចរាចរណ៍ផ្លូវគោកបានដឹកនាំកម្លាំងក្នុងការិយាល័យការិយាល័យល្បាតចល័តតាមដងផ្លូវក្នុងក្រុងបាត់ដំបង។

ក្នុងនោះបានឃាត់រថយន្តធុនធំបើកបរល្មើសផ្លាកសញ្ញាចូលក្រុង និង រថយន្តដឹកសំពីងសំពោងចំនួន០៨គ្រឿងមាន៖

-រថយន្តធុនធ្ងន់ ០៥ គ្រឿង
-រថយន្តដឹកសំពីងសំពោង ០៣ គ្រឿង។

នៅពេលនេះរថយន្តនិងអ្នកបើកបរត្រូវបាននាំមកការិយាល័យ ដើម្បីអនុវត្តតាមច្បាប់ស្តីពីចរារណ៍ផ្លូវគោក៕

ប្រភព៖ ស្នងការដ្ឋាននគរបាលខេត្តបាត់ដំបង