លោកគួច ខេវិន ប្រតិកម្មចំពោះលោក ឡៅ បញ្ញា Mister Supranational 2022 ដើរគ្រវីទង់ជាតិមិនលើកដៃ”សំពះ” បែរជាលើកដៃ”Number One”
សិល្បៈ July 19, 2022 srey nuch

រាជធានីភ្នំពេញ៖ នៅថ្ងៃទី១៩ ខែកក្កដា ឆ្នាំ២០២២ យោងតាមគណនីហ្វេសប៊ុកផ្ទាល់របស់ផលិតករដ៏ល្បីឈ្មោះគឺលោកគួច ខេវិន បានប្រតិកម្ម និងហួសចិត្តចំពោះ លោក ឡៅ បញ្ញា ដែលជាបេក្ខជនជាប់ជយលាភី Mister Supranational Cambodia ២០២២ បានចូលរួមទៅប្រកួតក្នុងឆាកអន្តរជាតិនៅឯប្រទេសប៉ូឡូញកាលថ្ងៃសៅរ៍ ទី១៦ ខែកក្កដា កន្លងទៅ។

នៅក្នុងបណ្ដាញសង្គមហ្វេសប៊ុករបស់ លោកគួច ខេវិន ហួសចិត្តជាខ្លាំង លើសកម្មភាពការដើរបង្ហាញម៉ូតូរបស់លោក ឡៅ បញ្ញា ដោយមានទង់ជាតិខ្មែរនៅពីខាងក្រោយ នឹងបាននិយាយយ៉ាងដូច្នេះថា៖ “🎈សម្រាប់ខ្ញុំគឺជាការសោកស្តាយជាអនេកប្បកា និងមានក្តីអាម៉ាស់បំផុត ប្រសិនបើក្នុងនាមជាកូនខ្មែរដែលមាន ឱកាសបង្ហាញមុខ លើកគ្រវីទង់ជាតិលើវេទិកាអន្តរជាតិ ប៉ុន្តែបែរជាជាន់ពន្លិចនូវអត្តសញ្ញាណវប្បធម៌ជាតិខ្លួន”សំពះ”ហើយលើកជ្រោងវប្បធម៌បរទេស”Number One” ទៅកាន់គណមេប្រយោគ និងអ្នកគាំទ្រទៅវិញនោះ។ តើអ្នកស្អប់វប្បធម៌លើកម្រាមដៃទាំងដប់សំពះ ហើយស្រឡាញ់ការលើកមេដៃមួយឬយ៉ាងណា នៅពេលដែលអ្នកលើកជ្រោង គ្របដណ្តប់កាយដោយទង់ជាតិមានរូបមហាប្រាង្គប្រាសាទអង្គរវត្តដ៏អច្ឆរិយនោះ បើដូច្នោះមែនសូមអ្នកកុំតំណាងឲ្យខ្មែរធ្វើអ្វី !ខ្ញុំខ្មាសគេណាស់ ពិសេសខ្មាសមនុស្សនៃប្រទេសជិតខាងដែលជារឿយៗបានលួចយកនូវអត្តសញ្ញាណវប្បធម៌ជាតិខ្មែរទៅធ្វើជារបស់ខ្លួន ហើយយកទៅបង្ហាញនៅលើឆាកអន្តរជាតិថែមទៀត ។
ឱ! កូនខ្មែរបើអ្នកមិនថែវប្បធម៌របស់ខ្លួន តើផ្ញើឲ្យនរណាជួយថែ? (មានវីដេអូ)🙊🙈 ”

ប្រភព៖ Kevin Kouch