ប្រធានសភាលោកស្រី Nancy Pelosi បានធ្វើដំណើរទៅកោះតៃវ៉ាន់តាមផ្លូវវាង ដើម្បីជៀសមិនឆ្លងកាត់សមុទ្រចិនខាងត្បូង

យោងតាមការចុះផ្សាយរបស់សារព័ត៌មានជប៉ុន NHK បានរាយការណ៍ថា ប្រធានសភាលោកស្រី Nancy Pelosi បានធ្វើដំណើរទៅកោះតៃវ៉ាន់តាមផ្លូវវាង ជៀសវាងមិនឱ្យមានការឆ្លងកាត់សមុទ្រចិនខាងត្បូងនោះឡើយ ដើម្បីជៀសវាងជម្លោះយោធាដែលអាចកើតមានជាមួយប្រទេសចិន។ តាមការដកស្រង់ទិន្នន័យពីគេហទំព័រតាមដានការហោះហើរពាណិជ្ជកម្មបានឱ្យដឹងថា យន្តហោះរបស់លោកស្រី Pelosi បានចាកចេញពីទីក្រុង Kuala Lumpur ប្រទេសម៉ាឡេស៊ី កាលពីថ្ងៃអង្គារ ហើយហោះក្នុងទិសដៅដែលចៀសឆ្ងាយពីសមុទ្រចិនខាងត្បូង បន្ទាប់មកបានបត់ទៅភាគខាងជើង ដើម្បីហោះហើរតាមបណ្តោយភាគខាងកើតនៃប្រទេសហ្វីលីពីន មុនពេលចុះចតនៅទីក្រុងតៃប៉ិ។