ថៃរកឃើញករណី​​​ទី​៤នៃជំងឺអុត​ស្វា ចេញពីអ្នក​ជំងឺម្នាក់រស់នៅក្នុងទីក្រុងបាងកក ខណៈបុគ្គលនោះធ្លាប់បានដើរលេងនៅតំបន់ជាច្រើន ទាំងដែលខ្លួនចាប់ផ្ដើមចេញរោគសញ្ញា

យោងតាមការចុះផ្សាយរបស់សារព័ត៌មាន បាងកកប៉ុស្ដិ៍ បានឱ្យដឹងថា ប្រទេសថៃបានរកឃើញករណី​​​ទី​៤ នៃជំងឺអុត​ស្វានៅថ្ងៃ​សុក្រ​នេះ ចេញពីអ្នក​ជំងឺម្នាក់រស់នៅក្នុងទីក្រុងបាងកក ហើយអ្នកជំងឺម្នាក់នោះ បានទៅដើរលេងកន្លែងកម្សាន្ដជាច្រើន ជាមួយនឹងជនបរទេស បើទោះបីជារូបគេមានចេញរោគសញ្ញាជាបណ្ដើរៗក៏ដោយ។ លោក Opas Karnkawinpong អគ្គនាយកនៃនាយកដ្ឋានគ្រប់គ្រងជំងឺបាននិយាយថា ករណីថ្មីបំផុតមួយនេះ គឺស្ត្រីអាយុ ២២ឆ្នាំម្នាក់ ដែលតែងទៅដើរលេងនៅតំបន់ ដែលមានហានិភ័យនៃការចម្លងជំងឺអុតស្វា។