ប្រធានផ្នែកហិរញ្ញវត្ថុរបស់ក្រុមហ៊ុនបច្ចេកវិទ្យាចិន Huawei ត្រូវបានតុលារកាណាដា សម្រេចឲ្យតម្កល់លុយ ដើម្បីនៅក្រៅឃុំហើយ ដែលការសម្រេចដូចនេះត្រូវបានគេមើលឃើញថា ទំនងជាមានអន្តរាគមន៍ពីលោកប្រធានធិបតីអាមេរិក Donald Trump។ គួរម្លឹកជូនថា អ្នកស្រី Meng Wanzhou អាយុ ៤៦ ឆ្នាំ ជាប្រធានផ្នែកហិរញ្ញវត្ថុរបស់ក្រុមហ៊ុន Huawei និងជាកូនស្រីរបស់អតីតប្រធានក្រុមហ៊ុន Huawei ត្រូវបានតុលាការកាណាដាចាប់ខ្លួន ពាក់ព័ន្ធនឹងការធ្វើប្រតិបត្តិការដកដាក់លុយប្រមាណជា ១០ លានដុល្លារក្នុងធនាការអន្តរជាតិខុសប្រក្រតី និងធ្វើឲ្យធនាគារអន្តរជាតិមួយនោះបានរំលោភបំពាន់ទៅលើទណ្ឌកម្មរបស់អាមេរិក។

ដោយហេតុនេះហើយទើបគាត់ត្រូវបានតុលាការកាណាដាចាប់ខ្លួន តែយ៉ាងណាក្តី ១០ ថ្ងៃក្រោយការចាប់ខ្លួនគាត់ត្រូវបានតុលាការដោះលែងឲ្យនៅក្រៅឃុំវិញ។ សម្រាប់ក្រុមអ្នកវិភាគបានលើកឡើងថា ជុំវិញបញ្ហានេះវាអាចជាអន្តរាគមន៍របស់លោក Donald Trump ព្រោះពេលនេះអាមេរិក និងចិន កំពុងតែមានសង្គ្រាមពាណិជ្ជកម្មជាមួយគ្នា ដែលសង្គ្រាមនេះអាចធ្វើឡើងក្រោមរូបភាពជាច្រើនដែលពាក់ព័ន្ធក្នុងការធ្វើពាណិជ្ជកម្ម៕

អត្ថបទ៖ ភក្តី

ប្រភព៖ channelnewsasia