ប្រិយមិត្តពិតជាធ្លាប់បានស្គាល់ហើយបេក្ខជនឆ្នើមមួយរូបនៅក្នុងកម្មវិធីប្រឡងចម្រៀងដ៏ល្បីល្បាញមួយនៅក្នុងប្រទេសកម្ពុជា Cambodian Idol រដូវកាលទី៤ គឺបេក្ខជន ថុល សុភិទិ ដែលមានអ្នកគាំទ្ររាប់ពាន់នាក់ ពេញចិត្តទៅលើសមត្ថភាពច្រៀង និងទេពកោសល្យបូករួមជាមួយរូបសម្រស់ដ៏ស្រស់សង្ហាររបស់បេក្ខជនរូបនេះ។

នៅថ្ងៃទី១៧ ខែសីហា ឆ្នាំ២០២២ កាលពីម្សិលមិញនេះ ដោយយោងតាមគណនីហ្វេសប៊ុករបស់ឪពុកបេក្ខជន ថុល សុភិទិ បានប្រតិកម្មខ្លាំងចំពោះបុគ្គលម្ចាស់គណនី TIk Tok @apanha9999 បានធ្វើការវាយតម្លៃ ភិទិ រឿងចាក់សាក់ពេញលើដងខ្លួន ដោយសរសេររៀបរាប់ថា៖ «តើបុគ្គលម្នាក់នេះជានរណា? ម៉េចបានយករូបកូនខ្ញុំ ថុលសុភិទិ មកវាយតម្លៃលើរូបគាត់ គ្រាន់តែរឿងចាក់សាក់លើដងខ្លួន ហេតុអីអ្នកឯងហ៊ានវាយតម្លៃ ប្រៀបធៀបកូនខ្ញុំទៅក្មេងញៀនថ្នាំ ទៅក្មេងហិតកាវ និងក្មេងគ្មានឪពុកម្តាយ ណែនាំប្រដៅ ហើយដាក់សញ្ញាសួរឱ្យគេឆ្លើយតប តើនាក់ឯងមានបំណងអី្វ បានអ្នកហ៊ានវាយតម្លៃគ្រួសារខ្ញុំនិងកូនខ្ញុំ អ្នកស្គាល់ខ្ញុំ គ្រួសារខ្ញុំនៅឯណា? អ្នកឯងត្រូវតែចេញមុខមកសុំទោសគ្រួសារខ្ញុំ ជាសាធារណៈ ព្រោះអ្នកឯងហ៊ានមើលងាយគ្រួសារនិងកូនខ្ញុំថុលសិភិទិ សូមបងប្អូនជួយចែករំលែក ឲ្យពុកម៉ែបងប្អូនបានដឹង ឲ្យគាត់ចេញមកជួបខ្ញុំ»៕

ប្រភព៖ Meak Bunthol