បុរសដែលប្រើសំដីមិនសមរម្យដាក់ភិទិ ពេលនេះចេញវីដេអូសុំទោសហើយ ដោយគាត់ធ្វើនេះព្រោះចង់ដឹងពីសន្ទុះអ្នកគាំទ្រប៉ុណ្ណោះ (មានវីដេអូ)

រាជធានីភ្នំពេញ៖ ក្រោយពីឪពុករបស់បេក្ខជន ថុល សុភិទិ ប្រតិកម្មយ៉ាងខ្លាំង ចំពោះបុគ្គលម្ចាស់គណនី Tik Tok @apanha9999 ដោយបានធ្វើការវាយតម្លៃ ភិទិ រឿងចាក់សាក់ពេញលើដងខ្លួន នៅថ្ងៃទី១៨ ខែសីហា ឆ្នាំ២០២២ មុននេះបន្ដិច យោងតាមការគណនីហ្វេសប៊ុកផ្ទាល់របស់លោកឪពុកសុភិទិ ដដែលបានឱ្យដឹងថា បុគ្គលរូបនេះ បានចេញជាវីដេអូសុំទោសជាសាធារណៈហើយ ចំពោះគ្រួសាររបស់គាត់។

នៅក្នុងគណនីហ្វេសប៊ុករបស់ លោកពូផ្ទាល់ បានសរសេររៀបរាប់យ៉ាងដូច្នេះថា៖ ចំពោះបុគ្គលម្នាក់នេះ! ដែលបាននិយាយប៉ះពាល់មកលើគ្រួសារខ្ញុំ គាត់បានចេញសុំទោសជាសាធារណៈហើយ ចំពោះការសុំទោសនេះវាហាក់ដូចជាមិនគប្បីនឹងទង្វើគាត់ទេ ក៏ប៉ុន្តែខ្ញុំយល់ព្រមអនុគ្រោះឲ្យបុគ្គលនេះចុះ។ ជាចុងក្រោយខ្ញុំសូមអរគុណដល់បងប្អូន ដែលបានចែករំលែករឿងនេះ ហើយក៏សូមដាក់ជាសារប្រមានទៅដល់មនុស្សមួយចំនួន ចំពោះការមើលងាយវាយតម្លៃអ្នកដទៃត្រឹមសំបកក្រៅ។ ខាងក្រោមជាវីដេអូសុំទោស៖

ប្រភព៖ Meak Bunthol