យោងតាមប្រភពសារព័ត៌មានដែលបានចុះផ្សាយកាលពីថ្ងៃទី ១៩ សីហា បានអោយដឹងថា គ្រូបង្រៀនម៉ោងសិល្បៈម្នាក់នៅទីក្រុង ក្វាង ចូវ ប្រទេសចិន បានឈ្នះការប្តឹងទាមទារថ្លៃជម្ងឺចិត្ត គិតជាទឹកជាងចំនួន ៤០,០០០យន់។
ជាមួយគ្នានេះដែរហេតុការណ៍ខាងលើបានកើតឡើង នៅក្នុងថ្នាក់រៀនអនឡាញដែលមានការផ្សាយផ្ទាល់តាមរយៈ (Live Stream) ចំណែកគ្រូបង្រៀនសិល្បៈនេះដែរ ត្រូវបានគេដឹងថាមានត្រកូល “Lou“ ក្នុងហេតុការណ៍នោះ មានឆ្មាដែលត្រូវជាសត្វចិញ្ចឹមរបស់អ្នកគ្រូ Lou ក៏បានលោតចូលមកចំពីមុខកាមេរ៉ាដែលកំពុងបង្រៀនចំនួន ៥ដង បន្ទាប់ពីនោះក្រុមហ៊ុនបច្ចេកវិទ្យានៃការអប់រំដែលបើកបង្រៀនថ្នាក់អនឡាញ ក៏បានសម្រេចចិត្តបណ្តេញអ្នកគ្រូចេញ ដោយលើកហេតុផលថា «បណ្តោយអោយឆ្មាដែលជាសត្វចិញ្ចឹមផ្ទាល់ខ្លួនលេចមុខនៅក្នុងថ្នាក់ដែលកំពុងតែបង្រៀនអនឡាញ ថែមទាំងមកយឺត ជាង ១០នាទីផងដែរ»