គ្រោះរញ្ជួយដីនៅចិន មានមនុស្ស ៦៥នាក់បាត់បង់ជីវិត និង១៦នាក់បាត់ខ្លួន ខណៈតៃវ៉ាន់ត្រៀមបញ្ជូនក្រុមជួយសង្គ្រោះទៅបេសកកម្មជួយសង្គ្រោះនៅចិន
- BY
- Oun Mey
- September 7, 2022
ចិន៖ យោងតាមទូរទស្សន៍ BBC បានផ្សព្វផ្សាយព័ត៌មានឲ្យដឹងនៅថ្ងៃទី៦ ខែកញ្ញា អំពីការវិវឌ្ឍនៃគ្រោះរញ្ជួយដីកម្រិត ៦.៦ ដល់ ៦.៨រ៉ិចទ័រ ដែលស្ថិតនៅកណ្តាលទីក្រុង Luding មានចម្ងាយប្រហែល ២២៦គីឡូម៉ែត្រពីទីក្រុង Chengdu ក្នុងខេត្ត Sichuan ភាគខាងត្បូងប្រទេសចិន កាលពីរសៀលថ្ងៃចន្ទ ទី៥ ខែកញ្ញា កន្លងទៅនេះ ដោយចំនួនអ្នកស្លាប់បានកើនឡើងដល់ ៦៥ នាក់។ ចំណែកសារព័ត៌មានចិន CCTV បានឲ្យដឹងថា មានមនុស្សចំនួន ១៧ នាក់បានស្លាប់នៅ Ya’an ហើយ មានមនុស្សចំនួន ២៩ នាក់កំពុងស្ថិតនៅក្នុងតំបន់ Ganzi ទីបេ នៅភាគខាងលិចខេត្តស៊ីឈួន។ រីឯ មនុស្ស ១៦ នាក់ផ្សេងទៀតកំពុងបាត់ខ្លួន ដោយមានអ្នករបួសប្រហែល ៥០ នាក់ និងជាង ២០០ នាក់នៅឯរមណីយដ្ឋានដែលត្រូវបានកាត់ផ្តាច់ពីខាងក្រៅ។
- Share This Post: