តារាសម្ដែងថៃ Kwan ច្រានចោលទាំងស្រុង ក្រោយរងការចោទប្រកាន់ថាបានបង្ខំអ្នកបម្រើឱ្យបាយទឹកជាមួយឆ្កែ

កាលពីថ្ងៃទី៨ ខែកញ្ញា កាសែត Khaosod បានចុះផ្សាយថា តារាសម្ដែងថៃ Kwan Usamanee ត្រូវបានអតីតអ្នកបម្រើម្នាក់ឈ្មោះ May ចោទប្រកាន់ពីបទធ្វើបាបធ្វើការលើសម៉ោង ដោយមិនបើកប្រាក់ខែ។អ្នកបម្រើរូបនេះបាននិយាយថា ដំបូងឡើង Kwan Usamanee ផ្តល់ឱ្យការងារឱ្យនាងគឺគ្រាន់តែមើលថែឆ្កែប៉ុណ្ណោះ។ ប៉ុន្តែពេលមកទទួលការងារនេះ អ្នកនេះត្រូវធ្វើកិច្ចការផ្ទះបន្ថែមទៀត។ May បញ្ជាក់ថាការងាររបស់នាងរវល់ខ្លាំងណាស់ដែលនាងគេងបានតែមួយម៉ោងក្នុងមួយថ្ងៃ។ អតីតអ្នកបំរើរូបនេះក៏បន្ថែមថា នាងត្រូវបាយទឹកជាមួយនឹងឆ្កែ សូម្បីតែកន្លែងដេករបស់អ្នកបំរើរូបនេះគឺនៅក្នុងផ្ទះបាយ នៅជិតកន្លែងដែលឆ្កែដេក។

ជាការឆ្លើយតប Kwan Usamanee បានបដិសេធព័ត៌មានដែលចោទប្រកាន់ដោយអតីតអ្នកបម្រើ។ តារាស្រីរូបនេះបាននិយាយថា អ្នកបម្រើមិនបានបំពេញការងារផ្តល់អាហារនិងទឹកដល់ឆ្កែរបស់នាងទៀងទាត់ និងមិនយកឆ្កែទៅពេទ្យព្យាបាល។ នោះហើយជាមូលហេតុដែលនាងបណ្តេញអតីតអ្នកបម្រើរូបនេះបន្ទាប់ពីរយៈពេលប៉ុន្មានថ្ងៃនៃការសាកល្បងការងារ។ នៅពេល អ្នកសារព័ត៌មាន Thairat សួរអំពីការបង្ខំបុគ្គលិកឱ្យញ៉ាំអាហារចានជាមួយសត្វឆ្កែ កញ្ញា Kwan Usamanee ក៏បានបដិសេធភ្លាមៗ ដោយថាតើអ្នកណាអាចធ្វើវាបាន កញ្ញានឹងបញ្ចេញវីដេអូតាមរយៈកាម៉េរ៉ាសុវត្ថិភាពដើម្បីបញ្ជាក់ថាអ្វីដែលនាងនិយាយគឺពិត៕