ដូចដែលប្រិយមិត្តបានជ្រាបរួចហើយថា កុមារី សុខ គីមហ័ង ហៅ ល្អហួស ជាក្មួយស្រីរបស់ ដេននី ក្វាន់ ដែលមានរូបសម្រស់ស្រស់សោភា និងមាននិស្ស័យខ្លាំងជាមួយនឹងវិស័យសិល្បៈ។ កុមារីរូបនេះតែងតែបង្ហាញខ្លួនជាមួយនឹងការច្រៀងចម្រៀង cover ថតសម្អាងការ និងជាពិសេសកុមារីរូបនេះថែមទាំងបង្ហាញក្តីស្រមៃរបស់ខ្លួនដែលចង់ចូលរួមប្រកួតកម្មវិធីបវកញ្ញាណាមួយ។ ជាក់ស្តែងថ្មីៗនេះ លោក គឹម សាន ជាឪពុកមា បានបង្ហាញរូបភាពជាច្រើនសន្លឹករបស់កុមារី សុខ គីមហ័ង ហៅ ល្អហួស លោករៀបរាប់ថា «សម្រស់គយគន់មិនចេះណាយ កូនស្រីល្អហួស»។

ក្រោយពីបានបង្ហោះរូបភាពមហាជនជាច្រើនបានធ្វើការកោតសរសើរ រូបសម្រស់របស់ល្អហួស និងចង់ឱ្យកុមារីរូបនេះពង្រឹងសមត្ថភាពទាំងចំណេះដឹង ដើម្បីឱ្យកុមារីរូបនេះអាចនឹងតំណាងកម្ពុជានៅលើឆាកអន្តរជាតិក្នុងប្រកួតកម្មវិធីបវកញ្ញាណាមួយ។ សូមរំលឹកថា កុមារីល្អហួស មានអាយុ ១៣ ឆ្នាំ កម្ពស់ ១,៥៦ សង់ទីម៉ែត្រ ទម្ងន់ ៣៦ គីឡូក្រាម សម្បុរស្រអែម កើតក្នុងគ្រួសារមានកូន ៣ នាក់នៅទឹកដីខេត្តព្រះវិហារ កុមារី ល្អហួស ជាកូនពៅជាសិស្សថ្នាក់ទី៨ អាចនិយាយបាន ៣ ភាសា គឺភាសាជាតិ អង់គ្លេស និងថៃ បានយ៉ាងល្អ។ ល្អហួស មានសមត្ថភាពផ្នែកសិល្បៈខាងរបាំបុរាណខ្មែរ អាចរាំរបាំបុរាណខ្មែរបាន ៧របាំយ៉ាងស្អាត និងស្ទាត់ជំនាញ ដូចជារបាំអប្សរា របាំថ្វាយព្រះពរ របាំជូនពរ របាំនារីជាជួរ របាំឈួយឆាយ របាំភួងនារី និងរបាំនាគបួងសួង៕

រូបភាព៖ Kim San Officiall កូនកាត់បីសាសន៍/ សំអាងការហង្ស