នៅថ្ងៃទី១២ ខែកញ្ញា សារព័ត៌មានហុងកុង HK01 បានរាយការណ៍ថាមហាសេដ្ឋីលោក Ly Trach Giai នឹងចេញថ្លៃព្យាបាលទាំងអស់ឱ្យអ្នករាំម្នាក់ដែលត្រូវ LED ទម្ងន់៦០០គីឡូក្រាម ធ្លាក់សង្កត់លើ ក្រោយពីបានទៅមន្ទីរពេទ្យដើម្បីពិនិត្យមើលស្ថានភាពសុខភាពរបស់អ្នករាំខាងលើ។ មហាសេដ្ឋីហុងកុងរូបនេះបាននិយាយថា លោកនឹងរួមដំណើរជាមួយជនរងគ្រោះ និងក្រុមគ្រួសារ ក្នុងដំណើរការសង្គ្រោះពីគ្រោះថ្នាក់។ លើសពីនេះ មហាសេដ្ឋីហុងកុងរូបនេះក៏បានប្រកាសចេញថ្លៃព្យាបាលទាំងអស់ជូនជនរងគ្រោះ និងជួយឧបត្ថម្ភ ១០លានដុល្លារហុងកុង ( ១,២ លានដុល្លារអាមេរិក ) សម្រាប់គ្រួសារតារាប្រុសរូបនេះផងដែរ។

មហាសេដ្ឋីហុងកុងលោក Ly Trach Giai បាននិយាយថា «ខ្ញុំមានការសោកស្ដាយជាខ្លាំងចំពោះឧបទ្ទវហេតុនេះ ខ្ញុំយល់ថាជំនួយផ្នែកហិរញ្ញវត្ថុមិនអាចសម្រាលការឈឺចាប់របស់ Li Kaiyan និងក្រុមគ្រួសាររបស់គាត់បាន ប៉ុន្តែខ្ញុំសង្ឃឹមថាខ្ញុំអាចធ្វើអ្វីមួយដើម្បីជួយ Li Kaiyan និងគ្រួសារគាត់ស្ថិតក្នុងគ្រាលំបាកនេះ»។ កាលពីថ្ងៃទី២៨ ខែកក្កដា មានការភ្ញាក់ផ្អើលយ៉ាងខ្លាំងចំពោះឧប្បត្តិហេតុនៅលើឆាកអំឡុងពេលសម្តែងរបស់ក្រុម Mirror ។ អេក្រង់ LED ទម្ងន់៦០០ គីឡូក្រាមស្រាប់តែធ្លាក់កណ្តាលឆាក។ អ្នករាំ Li Kaiyan រងរបួសធ្ងន់ធ្ងរបំផុតព្រោះខ្លួនត្រូវពិការជាអចិន្ត្រៃយ៍ ដោយបាត់បង់សុបិនចង់ឡើងសម្ដែងលើឆាក៕

ប្រភព៖ vietnam.postsen