ថៃ៖ យោងតាមរយៈគេហៈទំព័រ​ហ្វេស​ប៊ុក​របស់​មជ្ឈមណ្ឌល​ហ្សែន​វេជ្ជ​សា​ស្រ្ត នៃមន្ទីរពេទ្យ​រ៉ា​ម៉ា​ធិ​បូ​ឌី បាន​បង្ហោះ​សារ​អំពី​ការ​តាមដាន​ជំងឺ​កូ​វី​ដ​១៩ “ជំនាន់​ទី​៣” Omikron “BA.2.75.2” ដែល​វិទ្យាស្ថាន​ហ្សែ​ន​ប្រទេស​ឥណ្ឌា​បាន​ព្រមាន​ថា Omicron BA.2.75 ដែល​បាន​ចាប់ផ្តើម​ក្នុង ប្រទេសឥណ្ឌាចាប់តាំងពីខែឧសភា មានចំនួន ៨២.៩% នៃករណីថ្មីរបស់មេរោគប្រភេទ BA.2.75 ដែលមានឈ្មោះមិនទាន់ផ្លូវការគឺ Centaurus ឬពាក់កណ្តាលមនុស្សពាក់កណ្តាលសេះនៅក្នុងទេវកថារបស់ក្រិក។ ហើយវាថែមទាំងមានសក្ដានុពលបំផុតសម្រាប់ការបំលែងថ្មី បើប្រៀបធៀបទៅនឹងមេរោគប្រភេទកូរ៉ូណា ២០១៩ ដែលធ្លាប់ជាមេរោគបំលែងថ្មី ដែលបានផ្ទុះកាលពីមុន ប៉ុន្តែឥឡូវនេះមេរោគ Omicron BA.2.75 ត្រូវបានផ្លាស់ប្តូរឬបំលែងថ្មីជាបន្តបន្ទាប់ ដោយមួយក្នុងចំនោមប្រភេទរងដែលបានផ្លាស់ប្តូរគឺ “BA.2.75.2” ដែលត្រូវបាន
គេស្គាល់ក្រៅផ្លូវការថា “Centaurus 2.0” ព្រោះវាជាកូនទីពីររបស់ BA.2.75 កូនទីមួយគឺ BA.2.75.1 ។ តាមរយៈអ្នកជំនាញខាងភាពស៊ាំមកពីសាកលវិទ្យាល័យប៉េកាំងបានកំណត់អត្តសញ្ញាណ omicron BA.2.75.2 ថាជាប្រភេទមេរោគបំលែងដែលអាចគេចពីភាពស៊ាំបានយ៉ាងល្អបំផុតក្នុងពេលបច្ចុប្បន្ន ហើយវាថែមទាំងអាចបណ្តាលឱ្យមានការរីករាលដាលបន្ថែមទៀតនាពេលអនាគត។