វៀតណាម៖ យោងតាមប្រភពព័ត៌មានបានអោយដឹងថា ទីក្រុង Hoi An ដែលជាទីក្រុងបេតិកភណ្ឌពិភពលោករបស់វៀតណាម បានលិចយ៉ាងខ្លាំង បន្ទាប់​ពី​រងការ​វាយ​ប្រហារ​ដោយ​ព្យុះ​ទីហ្វុង Noru កាល​ពី​ម្សិល​មិញ អាជ្ញាធរ​ក៏​បាន​ព្រមាន​ប្រជាពលរដ្ឋ​ឲ្យ​ប្រុង​ប្រយ័ត្ន​ចំពោះ​ទឹកជំនន់ និង​ការ​បាក់​ដី​ដែល​អាច​កើត​មាន។ ជាមួយគ្នានេះដែរ អ្នកភូមិនៅ Hoi An ដែលជាទីក្រុងបេតិកភណ្ឌពិភពលោក និងជាទីក្រុងទេសចរណ៍ដ៏ល្បីល្បាញរបស់ប្រទេសវៀតណាម ត្រូវងាកមកប្រើទូកសម្រាប់ធ្វើចរាចរណ៍ ដោយសារតែផ្លូវត្រូវបានជន់លិចយ៉ាងខ្លាំង ដោយសារតែទីក្រុង Hoi An ​ជា​ទីក្រុង​ដែល​ស្ថិតនៅជិត​បំផុត​ទៅ​នឹង​ចំណុច​ដែល​ព្យុះ​បាន​បោកបក់​មក​លើ​ បណ្តាលឱ្យទន្លេជាច្រើនហូរហៀរច្រាំងទន្លេ និងជន់លិចនៅចំណុចជាច្រើន មុន​ព្យុះ​នេះ​ចុះ​ខ្សោយ​ទៅ​ជា​ព្យុះ​ត្រូពិច ហើយ​បក់​ចូល​ប្រទេស​ថៃ។