អភិបាលខេត្តបាត់ដំបង បញ្ជាក់ពីមូលហេតុ ដែលផ្លូវមួយចំនួនធំក្នុងក្រុងបាត់ដំបងមានការខូចខាត

ខេត្តបាត់ដំបង៖ យោងតាមគណនីហ្វេសប៊ុកផ្ទាល់របស់ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង នៅថ្ងៃទី០៣ ខែតុលា ឆ្នាំ២០២២ សូមជម្រាបជូនបងប្អូនប្រជាពលរដ្ឋទាំងអស់មេត្តាជ្រាបថា ផ្លូវក្នុងក្រុងបាត់ដំបងមានចំនួន៧៦ខ្សែ (ទាំងវែង ទាំងខ្លី) ហើយ ភាគច្រើនជាផ្លូវដែលបានសាងសង់យូរហើយ។

ពេលនេះផ្លូវមួយចំនួនធំមានការខូចខាត។ ផ្លូវទាំងនោះសុទ្ធតែបានរងផលប៉ះពាល់ដោយទឹកជំនន់ច្រើនលើកច្រើនសារមកហើយ។ ពេលនេះរដូវភ្លៀងច្រើន យើងលុបសំបុកមាន់ក៏មិនជាប់ដែរ។ នៅពេលអស់ភ្លៀងខាងមុខនេះ ខេត្តនឹងចាប់ផ្តើមជួសជុលសំបុកមាន់ ផ្លូវដែលអាចធ្វើបាន។ ផ្លូវមួយចំនួននឹងធ្វើថ្មីទៅតាមទំហំថវិកា។

សូមជម្រាបថាផ្លូវមួយចំនួនខេត្តចង់ធ្វើថ្មីក៏មិនអាចធ្វើកើតដែរដោយយើងទាក់នឹងគម្រោងADBធ្វើប្រព័ន្ធលូរំដោះទឹកភ្លៀងនិងទឹកកខ្វក់ទាំងខាងកើតស្ទឹងនិងខាងលិចស្ទឹង ដូច្នេះយើងត្រូវរង់ចាំមួយរយៈសិន ដើម្បីកុំអោយពិបាកធ្វើពីរដង តែខេត្តនឹងលុបសំបុកមាន់ប្រើប្រាស់បណ្តោះអាសន្នសិន។ សូមបងប្អូនយោគយល់ និងអធ្យាស្រ័យ។ សូមអរគុណ

ប្រភព៖ Sok Lou