អ្នកនៅទីក្រុងបាងកកត្រូវបានណែនាំឱ្យធ្វើការពីផ្ទះ ឬចេញពីធ្វើការមុនម៉ោង ចាប់ពីថ្ងៃពុធនេះរហូតដល់ថ្ងៃសុក្រ ដោយសាររំពឹងនឹងមានទឹកជំនន់បន្ថែមទៀត
- BY
- Oun Mey
- October 6, 2022
ពលរដ្ឋនៅទីក្រុងបាងកកត្រូវបានគេស្នើសុំឱ្យធ្វើការពីផ្ទះ ឬយ៉ាងហោចណាស់ចាកចេញពីការងារឱ្យបានមុនម៉ោង ចាប់ពីថ្ងៃពុធដល់ថ្ងៃសុក្រ ដើម្បីគេចពីទឹកជំនន់បន្ថែមទៀតនៅក្នុងទីក្រុង។ អភិបាលរងក្រុងបាងកក (BMA) លោកស្រី Tavida Kamolvej បាននិយាយកាលពីថ្ងៃអង្គារថា ទន្លេចៅព្រះយ៉ា អាចមានកម្ពស់ហក់ឡើងចាប់ពីថ្ងៃពុធនេះ ដោយសារតែការកើនឡើងនៃជំនោរ គួបផ្សំនឹងទឹកហូរតាមខ្សែទឹក និងភ្លៀងធ្លាក់ខ្លាំង ដែលរងឥទ្ធិពលដោយខ្យល់មូសុងនិរតី។ លោកស្រីបន្តថា BMA កំពុងព្យាយាមគ្រប់គ្រងបញ្ហានេះ ដើម្បីត្រៀមទឹកបន្ថែមទៀតនៅពីរបីថ្ងៃខាងមុខ។ ទោះយ៉ាងណាក៏ដោយ ប្រសិនបើទឹកជន់ច្រើនពេក ហើយមិនអាចរុញចូលទៅក្នុងឈូងសមុទ្រទាន់ពេលទេនោះ ទឹកទន្លេអាចហៀរ និងជន់លិចសហគមន៍តាមដងទន្លេ។
- Share This Post: