ស្វែងរកម្ចាស់រថយន្ត! អាជ្ញាធរឃើញរថយន្ត Prius មួយគ្រឿងផ្លាកលេខ 2AF-3956 ចតទុកចោលនៅមុខភោជនីយដ្ឋានត្រើយកោះស្លើយ បឹងឈូក ក្នុងខណ្ឌច្បារអំពៅ

រាជធានីភ្នំពេញ៖ យោងតាមការចុះផ្សាយរបស់ ស្នងការដ្ឋាននគរបាលរាជធានីភ្នំពេញ នៅថ្ងៃទី១២ ខែតុលា ឆ្នាំ២០២២ បានឱ្យដឹងថា សមត្ថកិច្ចនៃអធិការដ្ឋាននគរបាលខណ្ឌច្បារអំពៅ បានឃើញរថយន្ត Prius ចំនួន១គ្រឿង ពាក់ផ្លាកលេខ 2AF-3956 ចតទុកចោលនៅចំណុចមុខភោជនីយដ្ឋាន ត្រើយកោះស្លើយ បឹងឈូក ផ្លូវជាតិលេខ១ ភូមិបឹងឈូក សង្កាត់និរោធ ខណ្ឌច្បារអំពៅ។

បច្ចុប្បន្នរថយន្តខាងលើសមត្ថកិច្ចបានយកមករក្សាទុកនៅអធិការដ្ឋាននគរបាលខណ្ឌច្បារអំពៅ។ ប្រសិនបើបងប្អូនប្រជាពលរដ្ឋបានបាត់រថយន្តដូចភិនភាគក្នុងរូបដូចខាងក្រោម សូមមកទំនាក់ទំនងនៅអធិការដ្ឋាននគរបាលខណ្ឌច្បារអំពៅ ឬតាមរយៈលេខទូរស័ព្ទ 077 622 688៕

ប្រភព៖ ស្នងការដ្ឋាននគរបាលរាជធានីភ្នំពេញ