ក្រុមហ៊ុនអាកាសចរណ៏ខេមបូឌា អ៊ែរវ៉េរៀបចំនូវកម្មវិធីដ៏អស្ចារ្យមួយនៅឯផ្សារទំនើបអ៊ីអនសែនសុខ នៅថ្ងៃទី ២៥ ខែធ្នូ នេះ

រដូវកាលនៃភាពសប្បាយរីករាយនាឱកាសជិតចូលឆ្នាំថ្មីនេះកំពុងតែចាប់ផ្ដើម ហើយក្នុងនោះថ្ងៃដែលពិសេសជាគេ គឺថ្ងៃនៃពិធីបុណ្យណូអែលក៏នឹងខិតចូលមកដល់ក្នុងពេលឆាប់ៗខាងមុខនេះ ដូចនេះហើយទើបក្រុមហ៊ុនអាកាសចរណ៏ខេមបូឌា អ៊ែរវ៉េបានរៀបចំនូវកម្មវិធីដ៏អស្ចារ្យមួយនៅឯផ្សារទំនើបអ៊ីអនសែនសុខសម្រាប់អបអរថ្ងៃនៃការចែករំលែកមួយនេះ។

លោកអ្នកអាចចូលរួមទទួលយកភាពសប្បាយរីករាយដោយសេរី មិនថាជាមួយក្រុមគ្រួសារ មិត្តភក្កិ និងគូស្នេហ៍ ពីកម្មវិធី បែប Christmas លើកទីមួយពីខេមបូឌា អ៊ែរវ៉េ នៅថ្ងៃទី២៥ ខែធ្នូ។ អ្វីដែលកាន់តែពិសេសនោះគឺអ្នកចូលរួមទាំងអស់នឹងទទួលបានកាដូដ៏ពិសេសខ្ជូតៗពី Santa របស់យើងដែលមានដល់ទៅរាប់ពាន់រង្វាន់ ព្រមទាំងអាចចូលលេងក្នុងអាងបាល់យក្សផងដែរ។ កុំភ្លេចណាមកថតរូប ជាមួយនឹងការតុបតែងលម្អបែប Christmas ហើយបានចូលរួមសកម្មភាពកម្សាន្តជាច្រើនក្នុងថ្ងៃបុណ្យដ៏គួរអោយស្រលាញ់ មួយនេះ។ជាមួយ ខេមបូឌា អ៊ែរវ៉េ និងលោកតាSanta នៅឯផ្សារទំនើបអ៊ីអនសែនសុខណា!