ក្រុមបើកម៉ូតូធំ កម្ពុជា-ថៃ បានធ្វើដំណើរទស្សនកិច្ចមកកាន់កម្ពុជា
- BY
- srey nuch
- November 25, 2022
ខេត្តសៀមរាប៖ យោងតាមការចុះផ្សាយរបស់ រដ្ឋបាលខេត្តសៀមរាប បានឱ្យដឹងថា នារសៀលថ្ងៃទី១ កើត ខែមិគសិរ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី២៤ ខែវិច្ឆិកា ឆ្នាំ២០២២ លោក ឃឹម ហ្វីណង់ តំណាងដ៏ខ្ពង់ខ្ពស់ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប បានអញ្ជើញទទួលបដិសណ្ឋារកិច្ចស្វាគមន៍ក្រុមបើកម៉ូតូធំ ក្នុងដំណើរទស្សនៈកិច្ចមកកាន់ព្រះរាជាណាចក្រកម្ពុជា។
កម្ពុជា-ថៃ ជាប្រទេសជិតខាងដែលមានកិច្ចសហប្រតិបត្តិការល្អស្ទើរគ្រប់វិស័យជាមួយគ្នា បន្ទាប់ពីស្ថានភាពកូវីដបានប្រសើរ ដំណើរការសេដ្ឋកិច្ចនៅច្រកអន្តរជាតិមានភាពល្អប្រសើរ។ សមាគមក្លឹបទេសចរ សហការជាមួយរដ្ឋបាលខេត្តបង្កើតកម្មវិធីនេះឡើងក្នុងគោលបំណង ផ្សព្វផ្សាយវិស័យទេសចរណ៍ និងភាពងាយស្រួលសម្រាប់ទេសចរណ៍ផ្លូវគោក ជាពិសេសការឆ្លងកាត់ព្រំដែនរវាងប្រទេសទាំងពីរ។
ប្រធានក្រុមអ្នកបើកម៉ូតូធំបានសម្តែងនូវការថ្លែងអំណរគុណចំពោះរដ្ឋបាលខេត្ត និងកងកំលាំងមានសមត្ថកិច្ចដែលបានជួយសម្របសម្រួល និងស្វាគមន៍យ៉ាងកក់ក្តៅ ៕
ប្រភព៖ រដ្ឋបាលខេត្តសៀមរាប/Siem Reap Provincial Administration
- Share This Post: