ច្បាស់ការហើយ! ស្មាតហ្វូនបត់បានរបស់ Samsung នឹងបង្ហាញខ្លួនជាមួយនឹង Galaxy S10 ដែរនៅថ្ងៃទី ២០ ខែកុម្ភៈ ខាងមុខនេះ

ក្រុមហ៊ុនផលិតស្មាតហ្វូនដ៏ធំរបស់ប្រទេសកូរ៉េ នឹងធ្វើការដាក់បង្ហាញនូវស្មាតហ្វូនកំពូលរបស់ខ្លួន Galaxy S10 ជាផ្លូវការនៅថ្ងៃទី ២០ ខែកុម្ភៈ ខាងមុខនេះ។ តែវាមិនមែនមានត្រឹមតែ Galaxy S10 តែមួយ ប៉ុណ្ណោះទេ គឺនឹងមានការបង្ហាញស្មាតហ្វូនថ្មីស្រឡាងមួយទៀត ដែលមានសមត្ថភាពអាចបត់បាន ហើយវាត្រូវបានគេរំពឹងថានឹងមានឈ្មោះ Galaxy ត្រកូល F ។ ជាមួយនឹងការព័ត៌មាននេះផងដែរគឺបានចេញមកពីផ្ទាំងប៉ាណូ២ របស់ក្រុមហ៊ុន Samsung នៅក្នុងទីលាន de la Concorde ទីក្រុង Paris កាលពីពេលថ្មីៗនេះ។ ផ្ទាំងប៉ាណូទី ១ សរសេរជាភាសាកូរ៉េថា “អនាគតនឹងត្រូវលាតត្រដាង” និងផ្ទាំងប៉ាណូទី២បានសរសេរថា “ថ្ងៃទី ២០ ខែកុម្ភៈ” វាមិនមែនជាការបកប្រែតាម Google Translate នោះទេតែវាជាការបញ្ជាក់ពីក្រុមហ៊ុន Samsung ផ្ទាល់តែម្តង។

ស្មាតហ្វូនអាចបត់បានមួយនេះត្រូវបានគេក្រុមហ៊ុន Samsung ដាក់បង្ហាញកាលពីចុងឆ្នាំមុន ប៉ុន្តែព័ត៌មានលំអិតផ្សេងៗគឺ Samsung មិនបានបង្ហាញក្បោះក្បាយឡើយ  ហើយសម្រាប់ការដាក់អោយសាកល្បងនៅ CES គឺសម្រាប់តែទស្សនិកជន ដែលជ្រើសរើសផ្ទាល់ដោយក្រុមហ៊ុន Samsung តែប៉ុណ្ណោះ ហើយសម្រាប់ឈ្មោះរបស់វាក៏មិនទាន់ត្រូវបានប្រកាសផងដែរ ចំណែកឯឈ្មោះ Galaxy F គឺគ្រាន់តែជាឈ្មោះ ដែលគេសន្និដ្ឋានប៉ុណ្ណោះ៕

អត្ថបទ៖ សំរិទ្ធ
ប្រភព៖ gsmarena