សម្តេចពិជ័យសេនា ទៀ បាញ់ អញ្ជើញផ្តល់ម៉ូតូជារង្វាន់លើកទឹកចិត្ត ដល់សិស្សនិន្ទេស A ចំនួន​១១១នាក់នៅខេត្តសៀមរាប

នារសៀលថ្ងទី០៦ ខែមករា ឆ្នាំ២០២៣ សម្ដេចពិជ័យសេនា ទៀ បាញ់ ឧបនាយករដ្ឋមន្រ្តីក្រសួងការពារជាតិ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តសៀមរាប អញ្ជើញផ្តល់ម៉ូតូចំនួន ១១១គ្រឿង ជារង្វាន់លើកទឹកចិត្ត ដល់សិស្សានុសិស្សប្រឡងជាប់និន្ទេស A ចំនួន១១១នាក់ សម្រាប់ខេត្តសៀមរាប។

គួរបញ្ជាក់ផងដែរថា នៅក្នុងលទ្ធផលប្រឡងមធ្យមសិក្សាទុតិយភូមិសម័យប្រឡង ៥ ធ្នូ ២០២២កន្លងទៅ សិស្សានុសិស្សខេត្តសៀមរាបចំនួន១១១នាក់ ទទួលបាននិទ្ទេស A ក្នុងចំណោមសិស្សានុសិស្សនិទ្ទេស A ចំនួន១,០៤៩នាក់ នៅទូទាំងប្រទេស៕

ប្រភព៖ ក្រសួងព័ត៌មាន