ឯកឧត្តម ថោង ខុន៖ អ្នកទេសចរចិនអាចចាយវាយប្រាក់យ៉ន់គ្រប់សេវាកម្មទេសចរណ៍នៅកម្ពុជា
- February 8, 2023
ភ្នំពេញ ថ្ងៃទី០៧ ខែកុម្ភៈ ឆ្នាំ២០២៣–យោងតាមការចុះផ្សាយរបស់ ក្រសួងព័ត៌មាន បានឲ្យដឹងថា អ្នកទេសចរចិនអាចប្រើប្រាស់លុយយ៉ន់គ្រប់សេវាកម្មទេសចរណ៍ទាំងអស់អំឡុងពេលធ្វើទស្សនកិច្ចនៅកម្ពុជា។ នេះជាការគូសបញ្ជាក់ របស់ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ ប្រាប់អ្នកសារព័ត៌នៅអាកាសយានដ្ឋានអន្តរជាតិភ្នំពេញ ក្នុងពេលទទួលស្វាគមន៍ជើងហោះហើរ ដឹកអ្នកទេសចរចិន មកកម្ពុជា នៅព្រឹកថ្ងៃទី០៧ខែកុម្ភៈ ឆ្នាំ២០២៣។
ក្រសួងទេសចរណ៍បានត្រៀម និងរៀបចំជាស្រេចក្នុងការទទួលភ្ញៀវទេសចរចិន តាមរយៈការចងក្រងសៀវភៅស “China Ready” សម្រាប់ស្វាគមន៍អ្នកទេសចរចិន ដោយបានបណ្តុះបណ្ដាលគ្រប់សេវាកម្ម ដើម្បីសម្រួលដល់អ្នកទេសចរចិនឱ្យទទួលបានអារម្មណ៍រីករាយក្នុងការដើរកម្សាន្តក្នុងប្រទេសកម្ពុជា ជាពិសេសការប្រើប្រាស់លុយចិននៅកម្ពុជា។
ឯកឧត្តម ថោង ខុន បានថ្លែងថា «ពិសេសទៅទៀតគឺរាជរដ្ឋាភិបាលបានអនុញ្ញាតឱ្យមានការទូទាត់ជាលុយយ៉ន់គ្រប់សណ្ឋាគារ គ្រប់ភោជនីយដ្ឋានទាំងអស់ គ្រប់សេវាទាំងអស់យើងអាចទទួលលុយយ៉ន់បាន»។ នៅឆ្នាំ២០២៣នេះ រដ្ឋាភិបាលចិនបាន អនុញ្ញាតឱ្យប្រជាជនរបស់ខ្លួនចេញទៅដើរកម្សាន្ត នៅក្រៅប្រទេសឡើងវិញបាន។ តាមការប៉ាន់ប្រមាណ របស់រដ្ឋមន្ត្រីក្រសួងទេសចរណ៍ នឹងមានអ្នកទេសចរចិន៨០ម៉ឺនទៅ១លាននាក់មកលេងកម្ពុជា។ តែសរុបជារួមសម្រាប់ភ្ញៀវទេសចរអន្តរជាតិទូទៅដែលធ្វើដំណើរ តាមផ្លូវទឹក ផ្លូវគោក និងផ្លូវអាកាសនឹងមកលេងកម្ពុជា ប្រមាណ៣ទៅ៤លាននាក់៕ ដោយ៖ គង់ សិរីរ័ត្ន
- Share This Post:
អត្តបទទាក់ទង
-
ព័ត៌មានជាតិឯកឧត្តមបណ្ឌិតសភាចារ្យ ហង់ជួន ណារ៉ុន ជំរុញឱ្យគ្រប់សាលារៀនទាំងអស់ត្រូវចេះភ្លេងកាយរឹទ្ធិ
May 3, 2024
-
ព័ត៌មានជាតិត្រៀមអាវភ្លៀង! ចាប់ពីថ្ងៃនេះ ដល់ថ្ងៃទី៥ ខែឧសភា កម្ពុជានឹងមានភ្លៀងធ្លាក់ ជាមួយផ្គរ រន្ទះ និងខ្យល់កន្ត្រាក់ គ្របដណ្ដប់លើផ្ទៃដីពី១០-១៥%
May 3, 2024
-
ព័ត៌មានជាតិលោកជំទាវបណ្ឌិតសភាចារ្យ ភឿង សកុណា អបអរសាទរ លោកជំទាវអ្នកឧកញ៉ា ម៉ៅ ចំណាន ជាប់ជាប្រធានសមាគមសិល្បករខ្មែរ
May 2, 2024
-
ព័ត៌មានជាតិអភិបាលខេត្តកំពត បញ្ជាក់ថា បើអាកាសធាតុនៅបន្តក្តៅខ្លាំង ហើយគ្មានភ្លៀងធ្លាក់ក្នុងរយៈពេល១០ថ្ងៃទៀត ខេត្តនឹងបើកយុទ្ធនាការជួយសង្គ្រោះពលរដ្ឋ រងដោយគ្រោះរាំងស្ងួតនៅទូទាំងខេត្ត
May 2, 2024