នៅថ្ងៃទី១៦ ខែកុម្ភៈ ឆ្នាំ២០២៣ កម្មវិធីប្រកួតបវរកញ្ញាលំដាប់អន្តរជាតិ Miss Charm International 2023 ដែលរៀបចំឡើងនៅក្នុងប្រទេសវៀតណាម និងមានការចូលរួមពីគណៈប្រតិភូចំនួន ៣៧នាក់ បានរកឃើញម្ចាស់មកុដហើយ គឺកញ្ញា LUMA RUSSO ដែលជាបេក្ខភាពមកពីប្រទេស ប្រ៊េស៊ីល។

បើក្រឡេងមកមើលបេក្ខភាពរបស់កម្ពុជាយើងវិញ គឺកញ្ញា ប៊ី សុធារី បើទោះបីជាមិនបានចូល Top ណាមួយ ប៉ុន្តែកញ្ញា គឺធ្វើបានយ៉ាងល្អ ក្នុងការដើរបង្ហាញម៉ូដពោរពេញទៅដោយសមត្ថភាព ថាមពល យ៉ាងសមសួនជានារីខ្មែរ ជាពិសេសឈុតតំណាងជាតិឱ្យប្រទេសកម្ពុជា « ឈុតរាជនីមយូរ៉ា » ត្រូវបានឈ្នះពានរង្វាន់ល្អបំផុត “Best National COSTUME” ក្នុងការប្រកួត Miss Charm 2023 នៅលើទឹកដីក្នុងប្រទេសវៀតណាម។

យោងតាមការចុះផ្សាយពីគណនីហ្វេសប៊ុករបស់ Cambodia Pageantry នៅថ្ងៃទី១៦ ខែកុម្ភៈ ឆ្នាំ២០២៣ បានសរសេររៀបយ៉ាងដូច្នេះថា៖ «កញ្ញា Sotheary Bee Miss Charm Cambodia 2023 ដំបូងគេរបស់ប្រទេសកម្ពុជាគឺធ្វើបានល្អគ្រប់ជ្រុងជ្រោយស្ទើរតែគ្មានចន្លោះខ្វះខាតអ្វីទាំងអស់ អ្នកបានខិតខំប្រឹងប្រែងលះបង់ទាំងកម្លាំងកាយ កម្លាំងចិត្តដើម្បីតំណាងឲ្យប្រទេសកម្ពុជានៅលើឆាកអន្តរជាតិអ្នកពិតជាអស្ចារ្យ អ្នកធ្វើបានល្អគ្រប់បែបបទទាំងអស់ អ្នកបានខិតខំប្រឹងប្រែង និងតស៊ូយ៉ាងខ្លាំងក្លា ហើយអ្នកបានសាងនៅកេរ្តិ៍ឈ្មោះ បានសាងនូវភាពលេចធ្លោជូនប្រទេសកម្ពុជារួចហើយ ទោះបីជាអ្នកមិនបានចូលទៅដល់ top កំពូលណាមួយក៏ដោយ ប៉ុន្តែអ្នកបានឈ្នះនៅក្នុងដួងចិត្តប្រជាជនកម្ពុជាទាំងអស់ មិនតែប៉ុណ្ណោះអ្នកបានធ្វើឲ្យពិភពលោកបានឃើញថាអ្នកតំណាងឲ្យកម្ពុជាហើយបានឈ្នះពានរង្វាន់ឈុតតំណាងជាតិល្អផ្តាច់គេនៅលើឆាកអន្តរជាតិផងដែរ។ »

ប្រភព៖ Cambodia Pageantry