បច្ចេកវិទ្យា

តើស្មាតហ្វូនម៉ូដែលអ្វីល្បីរន្ទឺជាងគេលើទីផ្សារកម្ពុជាដើមឆ្នាំ 2023? ទើបបានជាតារាៗ និងអ្នក Review ជាច្រើននាំគ្នាជជែកពីស្មាតហ្វូនមួយនេះ

BY
Liny Chan
February 23, 2023

ពិតជាផ្ទុះកក្រើកល្បីសុះសាយទូទាំងប្រទេសកម្ពុជា ជាពិសសនៅលើបណ្តាញសង្គម Facebook, TikTok រួមទាំងស្ថាប័នសារព័ត៌មានល្បីៗ វេបសាយបច្ចេកវិទ្យាល្បីៗ និងប៉ុស្តិ៍ទូរទស្សន៍ជាច្រើន បានធ្វើការចុះផ្សាយយ៉ាងព្រោងព្រាតក្នុងរយៈពេលប៉ុន្មានថ្ងៃនេះទាក់ទងពីក្រុមហ៊ុន OPPO ប្រកាសដាក់សម្ពោធជាផ្លូវការនូវស្មាតហ្វូនស៊េរីថ្មី OPPO Reno8 T Series ។

លើកនេះមិនដូចមុន! ពិតជាឡូយអស់ស្ទះ! ស្មាតហ្វូនស៊េរីថ្មីកំពុងល្បីរន្ទឺនាដើមឆ្នាំ 2023 ឥឡូវនេះឃើញមានអ្នក Review ល្បីៗនិងវេបសាយបច្ចេកវិទ្យាជាច្រើនកំពុងនាំគ្នាបញ្ចេញមតិ និយាយពីលក្ខណៈពិសេស ជាពិសេសក៏មិនភ្លេចណែនាំដល់ប្រើប្រាស់ ពិសេសសម្រាប់អ្នកដែលចង់ប្តូរទូរស័ព្ទឡើងស៊េរីឲ្យងាកមកមើល OPPO Reno8 T Series ជំនាន់ថ្មីដោយធ្វើការផ្លាស់ប្តូរច្រើនមែនទែនទៅលើរូបរាង។ ចង់ដឹងឲ្យស៊ីជម្រៅបន្ថែមថាអ្នក Review បាននិយាយបរិហារកេរ្តិ៍សមត្ថភាពខ្លាំង Reno8 T Series អ្វីខ្លះ?

ដំបូងសុំលើកយក OPPO Reno8 T 5G មានតម្លៃ $399 មកនិយាយសិន! នេះជាលើកដំបូងដែល Reno បានបំពាក់អេក្រង់កោង 3D ផុសអណ្តែតជាមួយការទស្សនាវីដេអូកាន់តែផ្តល់បទពិសោធន៍ថ្មីទៅកាន់អ្នកប្រើប្រាស់ ជាមួយកម្រិត Refresh Rate 120Hz ដែលភាគច្រើនអេក្រង់បែបនេះគឺមានតែនៅលើទូរស័ព្ទថ្លៃៗខ្ទង់ពាន់ដុល្លារ។ Reno8 T 5G ក៏បំពាក់ដោយម៉ាស៊ីនខ្លាំង បន្ទះឈីបប្រភេទ Snapdragon 695 5G ដែលមាន RAM 8GB ព្រមទាំងអាចបើកនូវមុខងារ RAM Expansion 8GB បន្ថែមទៀតធ្វើឲ្យការបើកកម្មវិធីច្រើនលែងជាបញ្ហា ចំណែកឯ ROM 128GB អាចផ្ទុកវីដេអូ រូបភាព ហ្គេមធំៗបានច្រើនមិនងាយអស់ទំហំផ្ទុក។ បន្ថែមពីនេះ Reno8 T 5G បំពាក់ថាមពលថ្ម 4800mAh អាចប្រើប្រាស់កម្មវិធីធ្ងន់ៗរហូតដល់ជាង 7 ម៉ោង និងអាចប្រើប្រាស់ទូទៅបានពេញមួយថ្ងៃយ៉ាងស្រួលតែម្តង ឯការលេងហ្គេមយូរក៏មិនងាយឡើងកម្តៅដែរ ហើយការសាកបញ្ចូលថ្មវិញគឺបំពាក់នូវបច្ចេកវិទ្យា 67W SUPERVOOC អាចសាកពី 0 ទៅ 100% ចំណាយពេលត្រឹមតែ 44 នាទីតែប៉ុណ្ណោះ។ អ្វីដែលរឹតតែអស្ចារ្យគឺវាបានអាប់ដេតកាមេរ៉ា Portrait ខ្នាតធំទំហំ 108MP និងជាលើកដំបូងបំពាក់នៅលើត្រកូល Reno Series ដែលវាមានសមត្ថភាពអាចឲ្យអ្នកថតរូបភាពបានយ៉ាងច្បាស់ និងអាចកាត់យកប្លង់ណាមួយក្នុងរូបយកមកច្នៃប្រឌិតបន្ថែមជាមួយគុណភាពខ្ពស់ដូចគ្នា។ សម្រាប់មុខងារថតរូបនៅពេលយប់ OPPO ក៏មិនចោលដែរជាមួយមុខងារ Night Mode ដែលវាជំនួយច្រើនមែនទែននៅពេលយប់ក្នុងការទទួលបានពន្លឺគ្រប់គ្រាន់ ចំណែកមុខងារ Bokeh Flare Portrait ក៏មិនណយដែរ គឺវាកាត់ព្រាល Background បានស្អាតនិងចេញគ្រាប់ពន្លឺតូចៗដូច DSLR ចំណែកមួយគ្រាប់ទៀតជាលេន Micro សម្រាប់ការថតរូបល្អិតៗដែលយើងពិបាកនឹងមើលឃើញដោយភ្នែកទទេ។ ដោយឡែកសម្រាប់កាមេរ៉ា Selfie មានទំហំ 32MP ដែលវាមានសមត្ថភាពអាចផ្តិតយករូបភាពបានស្អាតខ្លាំង ដោយវាមានជំនួយពី AI Beauty ។ រឹតតែទាក់ទាញ រឹតតែ Sexy រូបរាងថ្មីដែលផ្តល់នូវអារម្មណ៍ងាយស្រូលចាប់កាន់ដោយដៃម្ឋាងជាមួយនឹងកម្រាស់ 7.7mm និងមានទម្ងន់ 172g ជាមួយនឹងជម្រើស 2 ពណ៌គឺ ពណ៌ខ្មៅដែល OPPO ដាក់ឈ្មោះឲ្យថាជា Midnight Black និងមួយទៀតគឺពណ៌មាសដែល OPPO ដាក់ឈ្មោះឲ្យថា Sunrise Gold ។

សម្រាប់អ្នកស្ទើរថវិកាក៏មិនថ្វីដែរ! OPPO ក៏បានបញ្ចេញនូវម៉ូដែល Reno8 T (4G) ដែលវាមានរូបរាងស្រដៀងទៅនឹង Reno8 T 5G ដែលខ្នងក្រោយរចនាដោយស្បែកមើលទៅពិតជាប្រណីតមែនទែន។ អេក្រង់ Reno8 T ធំមានទំហំ 6.43Inch AMOLED Display ក្នុងកម្រិតរូបភាព Full HD+ វាបង្ហាញរូបភាពបានស្អាត និងបំពាក់មកជាមួយលេនទម្លុះអេក្រង់ដែលមានទំហំ 32MP ដែលជាប្រភេទសេនស័រ RGBW ដូចនឹង Reno8 T 5G និងមានកាមេរ៉ាក្រោយទំហំ 100MP ដែលផ្តិតរូបភាពបានច្បាស់ខ្លាំងមែនទែនជាមួយព័ត៌មានលម្អិត។ ហើយការថតរូបនៅពេលយប់ ក៏មិនធម្មតាដែលមាន Bokeh Flare Portrait ធ្វើការបានល្អដូចគ្នា។ បន្ថែមពីនេះ Reno8 T បានបំពាក់ថាមពលថ្មធំ 5000mAh ជាមួយបច្ចេកវិទ្យាសាកថ្មល្បឿនលឿន 33W SUPERVOOC។

សូមទស្សនាវីដេអូ Review លម្អិតៗពីលក្ខណៈពិសេសៗរបស់ OPPO Reno8 T Series ៖

នេះគឺជាអ្វីដែល OPPO ផ្តល់ឲ្យយើងទាំងអស់គ្នានៅដើមឆ្នាំ 2023 ដូចនេះតើអ្នកទាំងអស់គ្នាយល់យ៉ាងណាដែរសម្រាប់ OPPO Reno8 T 5G និង Reno8 T? ឥឡូវនេះអាចកក់ទុក (Pre_Order) បានហើយថែមទាំងទទួលបានកាដូច្រើនៗសន្ធឹកសន្អាប់៖
Reno8 T 5G មានតម្លៃត្រឹមតែ $399ដុល្លារ និង Reno8 T តម្លៃ $349ដុល្លារ នៅតាមបណ្តាហាងលក់ទូរស័ព្ទនានាទូទាំងប្រទេសកម្ពុជា ចាប់ពីថ្ងៃទី19 ដល់ 24 កុម្ភៈ 2023 ជាមួយនឹងការថែមជូនកញ្ចប់កាដូ ៖

• Reno8 T 5G ថែមកាដូតម្លៃស្មើ $200ដុល្លារ រួមមាន៖ បណ្ណធានាអេក្រង់រយៈពេល 6ខែ តម្លៃ $79, ជញ្ជីងវៃឆ្លាត តម្លៃ $39, កាដូពិសេស តម្លៃ $28 និងស៊ីមស្មាតលេខពិសេស Bronze តម្លៃ $54 ភ្ជាប់គម្រោង SurfLikeCrazy រយៈពេល 4ខែ។
• Reno8 T ថែមកាដូតម្លៃស្មើ $121ដុល្លារ រួមមាន៖ ជញ្ជីងវៃឆ្លាត តម្លៃ $39, កាដូពិសេស តម្លៃ $28 និងស៊ីមស្មាតលេខពិសេស Bronze តម្លៃ $54 ភ្ជាប់គម្រោង SurfLikeCrazy រយៈពេល 4ខែ៕

Share This Post:

បច្ចេកវិទ្យា

ChatGPT អាចទាញយកមកប្រើប្រាស់នៅលើ iOS បានជាផ្លូវការ សម្រាប់អ្នកប្រើប្រាស់នៅអាមេរិក

BY
Lyda
May 19, 2023

OpenAI បានប្រកាសថា ChatGPT ពេលនេះអាចទាញយកមកប្រើប្រាស់នៅលើប្រតិបត្តិការ iOS បានជាផ្លូវការ ក្រោយខ្លួនទើបតែបានបើកឱ្យដោនឡូតនៅលើ App Store សម្រាប់ប្រព័ន្ធប្រតិបត្តិការ Andriod កាលពីប៉ុន្មានខែមុន។ ក្រុមហ៊ុន AI មួយនេះបាននិយាយថា ChatGPT ថ្មីនឹងអាចប្រើប្រាស់ដោយឥតគិតថ្លៃ ដោយគ្មានការផ្សាយពាណិជ្ជកម្ម ហើយអនុញ្ញាតឱ្យមានការបញ្ជាជាសំឡេង (voice input) ផងដែរ ប៉ុន្តែវានឹងបើកឱ្យប្រើប្រាស់នៅសហរដ្ឋអាមេរិកជាមុនសិន មុនពេលពង្រីកទៅប្រទេសផ្សេងៗទៀតនៅប៉ុន្មានសប្ដាហ៍បន្ទាប់។

មិនខុសពីនៅលើកុំព្យូទ័រនោះទេ កម្មវិធី ChatGPT អនុញ្ញាតឱ្យអ្នកប្រើប្រាស់ធ្វើការជាមួយ AI chatbot ដើម្បីសួរសំណួរដោយមិនចាំបាច់សួរនៅលើ web search បូករួមទាំងការទទួលបានដំបូន្មាន ស្វែងរកការបំផុសគំនិត សិក្សា ស្រាវជ្រាវ និងច្រើនទៀត។ ដោយសារបញ្ហាជាមួយជំនួយការសំឡេង Siri និងដោយសារ Apple ផ្ទាល់មានការខ្វះខាតពាក់ព័ន្ធនឹង AI ការដាក់ចេញកម្មវិធី ChatGPT នឹងជំរុញអ្នកប្រើប្រាស់អាចសាកល្បងប្រើវាកាន់តែច្រើន។ ការបើកដំណើរការនេះក៏អាចចំណេញដល់ Google ផងដែរ ដោយសារជំនួយ web search របស់វានឹងមាននៅលើទំព័រមុខរបស់ Safari។

OpenAI និយាយថា អតិថិជន ChatGPT Plus ក៏នឹងអាចចូលប្រើ GPT-4 តាមរយៈកម្មវិធីថ្មីនេះ ពីលើការទទួលបានការចូលប្រើដំបូងចំពោះមុខងារថ្មីៗ និងពេលវេលាឆ្លើយតបលឿនជាងមុន។ ការផ្តល់ជូនការជាវត្រូវបានចាប់ផ្តើមនៅក្នុងខែកុម្ភៈ ហើយមានតម្លៃ ២០ ដុល្លារក្នុងមួយខែ សម្រាប់លក្ខណៈពិសេសដែលបានធ្វើឱ្យប្រសើរឡើង រួមទាំងការចូលប្រើ ChatGPT នៅកំឡុងពេល sever មានភាពមមាញឹកខ្លាំង៕

អត្ថបទ៖ លីដា
ប្រភព៖ Tech Crunch

Share This Post:

បច្ចេកវិទ្យា

តើអ្នកដឹងទេ បច្ចេកវិទ្យាសាកថ្មកម្រិតកំពូលរបស់ស្មាតហ្វូនអេក្រង់បត់ OPPO Find N2 Flip លឿនបានដល់កម្រិតណា?

BY
Liny Chan
March 31, 2023

ពិតជាថ្មី ហើយកាន់តែទំនើប! លឿនអស់ស្ទះ ជាមួយស្មាតហ្វូនលំដាប់កំពូលអេក្រង់បត់ OPPO Find N2 Flip សាកថ្មរហ័សគ្រប់ស្ថានភាព ជាមួយនឹងបច្ចេកវិទ្យាសាកថ្មលឿន 44W SUPERVOOC™ ។

រំខានណាស់មែនទេ? ពេលមើលរឿងបណ្តើរសាកថ្មបណ្តើរ? ពេលទូរស័ព្ទអស់ថ្មភ្លាមៗសាកថ្មម្តងៗត្រូវចំណាយពេលរង់ចាំយូរៗ? ថាមពលថ្មធំគឺពិតជាសំខាន់ ចំណែកការសាកថ្មលឿនក៏រឹតតែសំខាន់ ដូចនេះទើប OPPO Find N2 Flip បំពាក់មកនូវថាមពលថ្មធំ 4300mAh ជាមួយបច្ចេកវិទ្យាសាកថ្មលឿន 44W SUPERVOOC™ សាកលឿន និងសុវត្ថិភាពឈានមុខគេ។ គួរបញ្ជាក់ផងដែរថា OPPO Find N2 Flip ជាស្មាតហ្វូនអេក្រង់បត់ដែលមានថាមពលថ្មធំជាងគេ និងសាកថ្មបានលឿនបំផុត បើធៀបជាមួយនឹងស្មាតហ្វូនអេក្រង់បត់ដទៃ។

សុំសរសើរដល់កំពូលស្មាតហ្វូន OPPO Find N2 Flip សមត្ថភាពកាន់តែខ្លាំងលឿនហួសពីការរំពឹងទុក បំពេញថាមពលថ្មកាន់តែរហ័ស ដោយប្រើពេលសាកត្រឹមតែ 23 នាទីអាចសាកថ្មបាន 50% ហើយសាកពេញ 100% ក្នុងត្រឹមតែ 57 នាទីតែប៉ុណ្ណោះ។

បន្ថែមពីនេះ OPPO Find N2 Flip ជាស្មាតហ្វូនអេក្រង់បត់ដែលមានអេក្រង់ខាងក្រៅធំបំផុត 𝟑.𝟐𝟔” ស្ទើរតែមើលមិនឃើញស្នាមផ្នត់ រូបរាងតូចស្រឡូនងាយស្រួលដាក់ក្នុងខោប៉ៅឬកាបូប ផ្ដល់សេរីភាពក្នុងការច្នៃប្រឌិតកាន់តែច្រើនដែលងាយស្រួលក្នុងការមើលពត៌មាន ថតរូបបានត្រឹមត្រូវ និងមានមុខងារសម្បូរបែបជាច្រើន។

ឥឡូវនេះ OPPO Find N2 Flip មានលក់ហើយក្នុងតម្លៃ $899 នៅតាមបណ្តាហាងលក់ទូរសព្ទនានា ជាមួយនឹងការថែមជូនកាដូមានតម្លៃសរុបស្មើ $371 រួមមាន៖ បណ្ណធានាអេក្រង់រយៈពេល 6 ខែ តម្លៃ $298, កាសឥតខ្សែ Enco Buds2 (Limited Edition) និងស៊ីមស្មាតលេខពិសេស Bronze តម្លៃ $54 ភ្ជាប់គម្រោង SurfLikeCrazy រយៈពេល 4 ខែ។ គួរបញ្ជាក់ថា ការផ្តល់ជូនប័ណ្ណធានាអេក្រង់រយៈពេល 6 ខែ និងស៊ីមស្មាតលេខពិសេស គិតចាប់ពីថ្ងៃទី 26 មីនា ដល់ 16 មេសា 2023 តែប៉ុណ្ណោះ។ សម្រាប់ព័ត៌មានលម្អិតអាចសាកសួរទៅកាន់ម្ចាស់ហាង ឬបុគ្គលិករបស់ OPPO ៕

Share This Post:

បច្ចេកវិទ្យា

WoW! OPPO Find N2 Flip តម្លៃ $899 បំពាក់សមត្ថភាពកំពូលៗ ព្រមទាំងសហការរួមគ្នាជាមួយកាមេរ៉ា Hasselblad ដែលជាម៉ាកកាមេរ៉ាលំដាប់លើពិភពលោកថែមទៀត!

BY
Liny Chan
March 30, 2023

មួយរយៈនេះប្រហែលជាអ្នកទាំងអស់គ្នាបានដឹងខ្លះៗរួចមកហើយទាក់ទងនឹងស្មាតហ្វូនកំពូល OPPO Find N2 Flip តម្លៃ $899 ជាស្មាតហ្វូនអេក្រង់បត់ដែលមានអេក្រង់ខាងក្រៅធំបំផុត 3.26” ស្មាតហ្វូនស្នាមផ្នត់តិចជាងគេបំផុតស្ទើរតែមិនឃើញនឹងភ្នែកទទេ ថាមពលថ្មធំជាងគេបំផុត 4300mAh និងសាកថ្មលឿនជាងគេ 44W SUPERVOOC™។ ប៉ុណ្ណឹងនៅមិនទាន់គ្រប់ទេឬ?

សម្រាប់ផ្នែកកាមេរ៉ាក៏ជាផ្នែកមួយសំខាន់ និងត្រូវខ្វាយខ្វល់រាល់ពេលទិញទូរស័ព្ទ ជាពិសេសមិត្តនារីៗ។ ហេតុនេះហើយ OPPO Find N2 Flip ជាស្មាតហ្វូនកាមេរ៉ាកម្រិតកំពូលទាំងនៅលើកាមេរ៉ាមុខ និងកាមេរ៉ាក្រោយ បានសហការបង្កើតរួមគ្នាជាមួយ Hasselblad ដែលជាម៉ាកកាមេរ៉ាលំដាប់ពិភពលោកដើម្បីបង្កើតសមត្ថភាពថតរូបឲ្យកាន់តែអស្ចារ្យនៅលើកាមេរ៉ាមេ 50MP សេនស័រ Sony IMX890 និងកាមេរ៉ា 8MP Ultrawide មុំទូលាយ 112 ° សេនស័រ Sony IMX355 ដំណើរការដោយ NPU MariSilicon X ដែលផ្តល់បទពិសោធន៍ថតល្អបំផុតក្នុងកម្រិត 4K 60fps។ គួរបញ្ជាក់ថា នៅលើ OPPO Find N2 Flip ក៏មានមុខងារ Hasselblad Mode ដែលជាមុខងារបន្ថែមសម្រាប់អ្នកចូលចិត្តថតរូបផងដែរ។

ឥឡូវងាកមកមើលកាមេរ៉ាស៊ែលហ្វី រចនារន្ធប្រហោងជាមួយនឹងកម្រិតភាពច្បាស់ 32MP ប្រើសេនស័រ Sony IMX709 ដែលគាំទ្រក្នុងការថតវីដេអូក្នុងកម្រិត 1080P 30fps។ បន្ទាប់ពីសាកល្បងប្រើកាមេរ៉ា OPPO Find N2 Flip រួចមកគឺហ៊ាននិយាយថាល្អខ្លាំងទាំងនៅលើកាមេរ៉ាមុខ និងកាមេរ៉ាក្រោយ ព្រោះវាបានបញ្ជាក់ពីពណ៌ពន្លឺច្បាស់ៗ និងព័ត៌មានលម្អិតៗលើរូបភាព។

ឥឡូវនេះ OPPO Find N2 Flip មានលក់ហើយក្នុងតម្លៃ $899 នៅតាមបណ្តាហាងលក់ទូរស័ព្ទនានា ជាមួយនឹងការថែមជូនកាដូមានតម្លៃសរុបស្មើ $371 រួមមាន៖ បណ្ណធានាអេក្រង់រយៈពេល 6ខែ តម្លៃ $298, កាសឥតខ្សែ Enco Buds2 (Limited Edition) និងស៊ីមស្មាតលេខពិសេស Bronze តម្លៃ $54 ភ្ជាប់គម្រោង SurfLikeCrazy រយៈពេល 4ខែ។ គួរបញ្ជាក់ថា ការផ្តល់ជូនប័ណ្ណធានាអេក្រង់រយៈពេល 6ខែ និងស៊ីមស្មាតលេខពិសេសគិតចាប់ពីថ្ងៃទី 26 មីនា ដល់ 16 មេសា 2023 តែប៉ុណ្ណោះ។ សម្រាប់ព័ត៌មានលម្អិតអាចសាកសួរទៅកាន់ម្ចាស់ហាង ឬបុគ្គលិករបស់ OPPO ៕

Share This Post:

SPONSOR

អត្តបទទាក់ទង