បច្ចេកវិទ្យា

មិនមែនដំបូង ប៉ុន្តែ OPPO Find N2 Flip ជាស្មាតហ្វូនអេក្រង់បត់ដែលមានអេក្រង់ខាងក្រៅធំបំផុត! មកដល់ឆាប់ៗនេះហើយ

BY
Liny Chan
March 18, 2023

ស្មាតហ្វូនអេក្រង់បត់កំពុងក្លាយជាប្រធានបទដ៏ពេញនិយមខ្លាំងក្នុងពេលបច្ចុប្បន្ន ទើបជម្រុញឲ្យក្រុមហ៊ុនស្មាតហ្វូនធំៗងាកមកប្រកួតប្រជែងលើទីផ្សារ និងដណ្តើមយកទឹកចិត្ត ការស្រលាញ់ពីសំណាក់អ្នកប្រើប្រាស់នៅជុំវិញពិភពលោក។

រយៈពេលប៉ុន្មានឆ្នាំចុងក្រោយមកនេះឃើញថា ក្រុមហ៊ុនមួយចំនួនដែលផលិតស្មាតហ្វូនបត់បានខិតខំជាបន្តបន្ទាប់ពីមួយជំនាន់ទៅមួយជំនាន់ ប៉ុន្តែឥឡូវនេះវាបែរជាទទួលរងសម្ពាធទៅវិញដោយសារឃើញថាមានអ្នកចំណូលថ្មីគឺ Find N2 Flip ជាស្មាតហ្វូនអេក្រង់បត់ដំបូងរបស់ OPPO ដែលនេះអាចនិយាយបានថា ទោះបីជាវាមកក្រោយគេបន្តិចមែន ប៉ុន្តែចំពោះសមត្ថភាព លក្ខណៈសម្បត្តិ ជាពិសេសអេក្រង់ខាងក្រៅឬហៅថា Cover Screen គឺមានភាពអស្ចារ្យជាងគេតែម្តងដែលនាំឲ្យ ស្មាតហ្វូនអេក្រង់បត់មួយចំនួនកំពុងភ័យខ្លួន និងប្រឈមមុខខ្លាំងជាមួយដៃគូប្រកួតប្រជែង។

យ៉ាងណាមិញ បើក្រឡេកទៅមើល Facebook page របស់ក្រុមហ៊ុន OPPO ប្រចាំប្រទេសកម្ពុជាក៏បានត្រៀមបញ្ចេញ ព័ត៌មានទាក់ទងនឹងស្មាតហ្វូនបត់ Find N2 Flip ដែលនេះពិតជារំភើបខ្លាំងណាស់ ទីបំផុតក្តីស្រមៃក្លាយជាការពិតហើយ ក្រោយពីឃើញ OPPO បានប្រកាសថានឹងមានអ្វីដែលថ្មីក្នុងពេលឆាប់ៗនេះជាមួយនឹងស្មាតហ្វូនអេក្រង់បត់ខាងក្រៅធំជាងគេ កាន់តែស្រួលប្រើ។

ចំពោះ OPPO Find N2 Flip ជាស្មាតហ្វូនដែលមានអេក្រង់ខាងក្រៅធំជាងគេក្នុងចំណោមស្មាតហ្វូនបត់ទាំងអស់ ដែលអេក្រង់ខាងអេក្រង់វាមានទំហំ 3.26” ដែលផ្តល់ឲ្យអ្នកប្រើប្រាស់អាចធ្វើការបញ្ជាទៅលើមុខងារនីមួយៗនៅលើអេក្រង់នេះបានយ៉ាងរលូន។ បើតាមដឹងមានកម្មវិធី Apps ចំនួន 6 នឹងដាក់អោយប្រើប្រាស់នៅលើអេក្រង់ខាងក្រៅ (Cover screen) របស់ស្មាតហ្វូន Find N2 Flip នេះ។ កម្មវិធី Apps ទាំងនេះគឺមានដូចជា weather widget, ម៉ោង, កាមេរ៉ា, ប្រតិទិន និង earbud settings ជាដើម។ អ្វីដែលរឹតតែចាប់អារម្មណ៍ជាមួយអេក្រង់ធំខាងក្រៅនេះ គឺយើងអាចធ្វើការថតរូបយ៉ាងស្រស់ស្អាត និងផ្តល់ភាពងាយស្រួល។

ចំណុចពិសេសដែលគ្រប់គ្នាចង់ដឹងបន្ថែមទៀតនោះគឺនៅលើស្មាតហ្វូនអេក្រង់បត់ជំនាន់ថ្មីនេះគឺវាបានប្រើប្រាស់នូវគន្លឹះភ្ជាប់អេក្រង់ទាំងពីរដែល OPPO បានលម្អិតបំផុត និងធ្វើតេស្តច្រើនដងដើម្បីសម្រេចប្រើប្រាស់នូវគន្លឹះអេក្រង់ដែលប្រៀបដូចជាបេះដូងរបស់ស្មាតហ្វូនបត់នេះ។ បន្ថែមពីនេះជាមួយនឹង Flexion Hinge គឺមានការឌីហ្សាញយ៉ាងរឹងមាំទោះបីជាប្រើពេលយូរឆ្នាំក៏ដោយ OPPO ផលិតមកយ៉ាងលម្អិតធ្វើឲ្យស្នាមផ្នត់នៃអេក្រង់មើលសឹងមិនឃើញតែម្តង បើធៀបជាមួយនឹងស្មាតហ្វូនអេក្រង់បត់ដទៃ។ មួយវិញទៀតស្មាតហ្វូនបត់នេះបានប្រើប្រាស់នូវទម្រង់ប្រព័ន្ធ cam system និងការប្រើ 1/4 spindle assembly ដែលអាចអនុញាតអោយគន្លឺះនេះអាចបត់ឬអង្គុយនឹងបានក្នុងទម្រង់ចន្លោះពី 45° និង 110° បានយ៉ាងល្អ។

សូម្បីថាមពលថ្មក៏ធំជាងគេដែរបើធៀបជាមួយស្មាតហ្វូនបត់ដទៃ ដែលអេក្រង់បត់ដទៃមានថាមពលថ្មធំបំផុតត្រឹម 4000mAh ចំណែក OPPO Find N2 Flip បំពាក់ថាមពលថ្ម 43000mAh ថែមទាំងបំពាក់បច្ចេកវិទ្យាសាកថ្មកម្លាំង 44W SUPERVOOC™ ទៀតផង។

ប្រាប់បន្តិចមើល តើអ្នកណាខ្លះរង់ចាំស្មាតហ្វូនបត់ជំនាន់ថ្មីនេះ? ហើយអ្នកណាខ្លះកំពុងល្ងង់ស្នេហ៍ស្មាតហ្វូនបត់នេះ? OPPO Find N2 Flip ជាអ្វីដែល OPPO នឹងបង្ហាញជូនក្នុងពេលឆាប់ៗនេះ ដូចនេះកុំភ្លេចរង់ចាំទទួលស្វាគមន៍ស្មាតហ្វូនអេក្រង់បត់ជំនាន់ថ្មី Find N2 Flip នេះផង។ សម្រាប់ព័ត៌មានលម្អិតបន្ថែមអាចចូលទៅកាន់ Facebook page របស់ OPPO៕

Share This Post:

បច្ចេកវិទ្យា

ChatGPT អាចទាញយកមកប្រើប្រាស់នៅលើ iOS បានជាផ្លូវការ សម្រាប់អ្នកប្រើប្រាស់នៅអាមេរិក

BY
Lyda
May 19, 2023

OpenAI បានប្រកាសថា ChatGPT ពេលនេះអាចទាញយកមកប្រើប្រាស់នៅលើប្រតិបត្តិការ iOS បានជាផ្លូវការ ក្រោយខ្លួនទើបតែបានបើកឱ្យដោនឡូតនៅលើ App Store សម្រាប់ប្រព័ន្ធប្រតិបត្តិការ Andriod កាលពីប៉ុន្មានខែមុន។ ក្រុមហ៊ុន AI មួយនេះបាននិយាយថា ChatGPT ថ្មីនឹងអាចប្រើប្រាស់ដោយឥតគិតថ្លៃ ដោយគ្មានការផ្សាយពាណិជ្ជកម្ម ហើយអនុញ្ញាតឱ្យមានការបញ្ជាជាសំឡេង (voice input) ផងដែរ ប៉ុន្តែវានឹងបើកឱ្យប្រើប្រាស់នៅសហរដ្ឋអាមេរិកជាមុនសិន មុនពេលពង្រីកទៅប្រទេសផ្សេងៗទៀតនៅប៉ុន្មានសប្ដាហ៍បន្ទាប់។

មិនខុសពីនៅលើកុំព្យូទ័រនោះទេ កម្មវិធី ChatGPT អនុញ្ញាតឱ្យអ្នកប្រើប្រាស់ធ្វើការជាមួយ AI chatbot ដើម្បីសួរសំណួរដោយមិនចាំបាច់សួរនៅលើ web search បូករួមទាំងការទទួលបានដំបូន្មាន ស្វែងរកការបំផុសគំនិត សិក្សា ស្រាវជ្រាវ និងច្រើនទៀត។ ដោយសារបញ្ហាជាមួយជំនួយការសំឡេង Siri និងដោយសារ Apple ផ្ទាល់មានការខ្វះខាតពាក់ព័ន្ធនឹង AI ការដាក់ចេញកម្មវិធី ChatGPT នឹងជំរុញអ្នកប្រើប្រាស់អាចសាកល្បងប្រើវាកាន់តែច្រើន។ ការបើកដំណើរការនេះក៏អាចចំណេញដល់ Google ផងដែរ ដោយសារជំនួយ web search របស់វានឹងមាននៅលើទំព័រមុខរបស់ Safari។

OpenAI និយាយថា អតិថិជន ChatGPT Plus ក៏នឹងអាចចូលប្រើ GPT-4 តាមរយៈកម្មវិធីថ្មីនេះ ពីលើការទទួលបានការចូលប្រើដំបូងចំពោះមុខងារថ្មីៗ និងពេលវេលាឆ្លើយតបលឿនជាងមុន។ ការផ្តល់ជូនការជាវត្រូវបានចាប់ផ្តើមនៅក្នុងខែកុម្ភៈ ហើយមានតម្លៃ ២០ ដុល្លារក្នុងមួយខែ សម្រាប់លក្ខណៈពិសេសដែលបានធ្វើឱ្យប្រសើរឡើង រួមទាំងការចូលប្រើ ChatGPT នៅកំឡុងពេល sever មានភាពមមាញឹកខ្លាំង៕

អត្ថបទ៖ លីដា
ប្រភព៖ Tech Crunch

Share This Post:

បច្ចេកវិទ្យា

តើអ្នកដឹងទេ បច្ចេកវិទ្យាសាកថ្មកម្រិតកំពូលរបស់ស្មាតហ្វូនអេក្រង់បត់ OPPO Find N2 Flip លឿនបានដល់កម្រិតណា?

BY
Liny Chan
March 31, 2023

ពិតជាថ្មី ហើយកាន់តែទំនើប! លឿនអស់ស្ទះ ជាមួយស្មាតហ្វូនលំដាប់កំពូលអេក្រង់បត់ OPPO Find N2 Flip សាកថ្មរហ័សគ្រប់ស្ថានភាព ជាមួយនឹងបច្ចេកវិទ្យាសាកថ្មលឿន 44W SUPERVOOC™ ។

រំខានណាស់មែនទេ? ពេលមើលរឿងបណ្តើរសាកថ្មបណ្តើរ? ពេលទូរស័ព្ទអស់ថ្មភ្លាមៗសាកថ្មម្តងៗត្រូវចំណាយពេលរង់ចាំយូរៗ? ថាមពលថ្មធំគឺពិតជាសំខាន់ ចំណែកការសាកថ្មលឿនក៏រឹតតែសំខាន់ ដូចនេះទើប OPPO Find N2 Flip បំពាក់មកនូវថាមពលថ្មធំ 4300mAh ជាមួយបច្ចេកវិទ្យាសាកថ្មលឿន 44W SUPERVOOC™ សាកលឿន និងសុវត្ថិភាពឈានមុខគេ។ គួរបញ្ជាក់ផងដែរថា OPPO Find N2 Flip ជាស្មាតហ្វូនអេក្រង់បត់ដែលមានថាមពលថ្មធំជាងគេ និងសាកថ្មបានលឿនបំផុត បើធៀបជាមួយនឹងស្មាតហ្វូនអេក្រង់បត់ដទៃ។

សុំសរសើរដល់កំពូលស្មាតហ្វូន OPPO Find N2 Flip សមត្ថភាពកាន់តែខ្លាំងលឿនហួសពីការរំពឹងទុក បំពេញថាមពលថ្មកាន់តែរហ័ស ដោយប្រើពេលសាកត្រឹមតែ 23 នាទីអាចសាកថ្មបាន 50% ហើយសាកពេញ 100% ក្នុងត្រឹមតែ 57 នាទីតែប៉ុណ្ណោះ។

បន្ថែមពីនេះ OPPO Find N2 Flip ជាស្មាតហ្វូនអេក្រង់បត់ដែលមានអេក្រង់ខាងក្រៅធំបំផុត 𝟑.𝟐𝟔” ស្ទើរតែមើលមិនឃើញស្នាមផ្នត់ រូបរាងតូចស្រឡូនងាយស្រួលដាក់ក្នុងខោប៉ៅឬកាបូប ផ្ដល់សេរីភាពក្នុងការច្នៃប្រឌិតកាន់តែច្រើនដែលងាយស្រួលក្នុងការមើលពត៌មាន ថតរូបបានត្រឹមត្រូវ និងមានមុខងារសម្បូរបែបជាច្រើន។

ឥឡូវនេះ OPPO Find N2 Flip មានលក់ហើយក្នុងតម្លៃ $899 នៅតាមបណ្តាហាងលក់ទូរសព្ទនានា ជាមួយនឹងការថែមជូនកាដូមានតម្លៃសរុបស្មើ $371 រួមមាន៖ បណ្ណធានាអេក្រង់រយៈពេល 6 ខែ តម្លៃ $298, កាសឥតខ្សែ Enco Buds2 (Limited Edition) និងស៊ីមស្មាតលេខពិសេស Bronze តម្លៃ $54 ភ្ជាប់គម្រោង SurfLikeCrazy រយៈពេល 4 ខែ។ គួរបញ្ជាក់ថា ការផ្តល់ជូនប័ណ្ណធានាអេក្រង់រយៈពេល 6 ខែ និងស៊ីមស្មាតលេខពិសេស គិតចាប់ពីថ្ងៃទី 26 មីនា ដល់ 16 មេសា 2023 តែប៉ុណ្ណោះ។ សម្រាប់ព័ត៌មានលម្អិតអាចសាកសួរទៅកាន់ម្ចាស់ហាង ឬបុគ្គលិករបស់ OPPO ៕

Share This Post:

បច្ចេកវិទ្យា

WoW! OPPO Find N2 Flip តម្លៃ $899 បំពាក់សមត្ថភាពកំពូលៗ ព្រមទាំងសហការរួមគ្នាជាមួយកាមេរ៉ា Hasselblad ដែលជាម៉ាកកាមេរ៉ាលំដាប់លើពិភពលោកថែមទៀត!

BY
Liny Chan
March 30, 2023

មួយរយៈនេះប្រហែលជាអ្នកទាំងអស់គ្នាបានដឹងខ្លះៗរួចមកហើយទាក់ទងនឹងស្មាតហ្វូនកំពូល OPPO Find N2 Flip តម្លៃ $899 ជាស្មាតហ្វូនអេក្រង់បត់ដែលមានអេក្រង់ខាងក្រៅធំបំផុត 3.26” ស្មាតហ្វូនស្នាមផ្នត់តិចជាងគេបំផុតស្ទើរតែមិនឃើញនឹងភ្នែកទទេ ថាមពលថ្មធំជាងគេបំផុត 4300mAh និងសាកថ្មលឿនជាងគេ 44W SUPERVOOC™។ ប៉ុណ្ណឹងនៅមិនទាន់គ្រប់ទេឬ?

សម្រាប់ផ្នែកកាមេរ៉ាក៏ជាផ្នែកមួយសំខាន់ និងត្រូវខ្វាយខ្វល់រាល់ពេលទិញទូរស័ព្ទ ជាពិសេសមិត្តនារីៗ។ ហេតុនេះហើយ OPPO Find N2 Flip ជាស្មាតហ្វូនកាមេរ៉ាកម្រិតកំពូលទាំងនៅលើកាមេរ៉ាមុខ និងកាមេរ៉ាក្រោយ បានសហការបង្កើតរួមគ្នាជាមួយ Hasselblad ដែលជាម៉ាកកាមេរ៉ាលំដាប់ពិភពលោកដើម្បីបង្កើតសមត្ថភាពថតរូបឲ្យកាន់តែអស្ចារ្យនៅលើកាមេរ៉ាមេ 50MP សេនស័រ Sony IMX890 និងកាមេរ៉ា 8MP Ultrawide មុំទូលាយ 112 ° សេនស័រ Sony IMX355 ដំណើរការដោយ NPU MariSilicon X ដែលផ្តល់បទពិសោធន៍ថតល្អបំផុតក្នុងកម្រិត 4K 60fps។ គួរបញ្ជាក់ថា នៅលើ OPPO Find N2 Flip ក៏មានមុខងារ Hasselblad Mode ដែលជាមុខងារបន្ថែមសម្រាប់អ្នកចូលចិត្តថតរូបផងដែរ។

ឥឡូវងាកមកមើលកាមេរ៉ាស៊ែលហ្វី រចនារន្ធប្រហោងជាមួយនឹងកម្រិតភាពច្បាស់ 32MP ប្រើសេនស័រ Sony IMX709 ដែលគាំទ្រក្នុងការថតវីដេអូក្នុងកម្រិត 1080P 30fps។ បន្ទាប់ពីសាកល្បងប្រើកាមេរ៉ា OPPO Find N2 Flip រួចមកគឺហ៊ាននិយាយថាល្អខ្លាំងទាំងនៅលើកាមេរ៉ាមុខ និងកាមេរ៉ាក្រោយ ព្រោះវាបានបញ្ជាក់ពីពណ៌ពន្លឺច្បាស់ៗ និងព័ត៌មានលម្អិតៗលើរូបភាព។

ឥឡូវនេះ OPPO Find N2 Flip មានលក់ហើយក្នុងតម្លៃ $899 នៅតាមបណ្តាហាងលក់ទូរស័ព្ទនានា ជាមួយនឹងការថែមជូនកាដូមានតម្លៃសរុបស្មើ $371 រួមមាន៖ បណ្ណធានាអេក្រង់រយៈពេល 6ខែ តម្លៃ $298, កាសឥតខ្សែ Enco Buds2 (Limited Edition) និងស៊ីមស្មាតលេខពិសេស Bronze តម្លៃ $54 ភ្ជាប់គម្រោង SurfLikeCrazy រយៈពេល 4ខែ។ គួរបញ្ជាក់ថា ការផ្តល់ជូនប័ណ្ណធានាអេក្រង់រយៈពេល 6ខែ និងស៊ីមស្មាតលេខពិសេសគិតចាប់ពីថ្ងៃទី 26 មីនា ដល់ 16 មេសា 2023 តែប៉ុណ្ណោះ។ សម្រាប់ព័ត៌មានលម្អិតអាចសាកសួរទៅកាន់ម្ចាស់ហាង ឬបុគ្គលិករបស់ OPPO ៕

Share This Post:

SPONSOR

អត្តបទទាក់ទង