ច្បាស់មែនទែនហើយ! លេចធ្លាយរូបភាពផ្លូវការស្មាតហ្វូន P20 របស់ Huawei មានក្បាលឆក និងកាមេរ៉ាក្រោយ៣គ្រាប់

ខណៈការបង្ហាញខ្លួនជាផ្លូរកាន់តែខិតជិតមកដល់ ស្រាប់តែពេលថ្មីៗនេះ មានការលេចធ្លាយរូបភាពផ្លូវការរបស់ស្មាតហ្វូន P20 របស់ក្រុមហ៊ុន Huawei ជាមួយនឹងកាមេរ៉ាខាងក្រោយដល់ទៅ៣គ្រាប់។ រូបភាពទាំងនោះបានលេចធ្លាយ និងចែកចាយពេញប្រទេសចិន ហើយតាមរយៈរូបភាពនោះបង្ហាញយ៉ាងច្បាស់ថា Huawei P20 Pro នឹងមានក្បាលឆកនៅខាងមុខ និងមានកាមេរ៉ា៣គ្រាប់នៅខាងក្រោយ។

ហើយតាមរយៈរូបភាពនោះផងដែរ P20 Pro មាន២ពណ៌សម្រាប់ជ្រើសរើស គឺពណ៌ខ្មៅ និងខៀវ។ Huawei នឹងដាក់បង្ហាញស្មាតហ្វូនត្រកូល P របស់ខ្លួននៅថ្ងៃទី២៧ ខែមីនា ខាងមុខនេះ ចំណែកឯតម្លៃវិញ តាមរយៈព័ត៌មានកន្លងមកបានបញ្ចាក់ថា សម្រាប់ស្មាតហ្វូន P20 អាចនឹងមានតម្លៃខ្ទង់ €679($839) និង €899($1,110) សម្រាប់ P20 Pro ឯ P20 Lite វិញមានតម្លៃត្រឹម €369($455) ប៉ុណ្ណោះ៕

សេម
ប្រភព៖ phonearena