ឱកាសល្អ! សាកលវិទ្យាល័យមួយ នៃប្រទេសចិន សម្រេចផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ចំនួន ៥កន្លែង ដល់និស្សិតកម្ពុជា ផុតកំណត់ទទួលពាក្យនៅថ្ងៃទី២ ខែមិថុនា

រាជធានីភ្នំពេញ៖ យោងតាមការចុះផ្សាយរបស់ ក្រសួងអប់រំ យុវជន និងកីឡា បានចេញសេចក្ដីប្រកាសអាហារូបករណ៍ថ្នាក់បរិញ្ញាបត្រជាន់ខ្ពស់ ចំនួន ៥កន្លែង ដល់និសិត្សកម្ពុជា លើមុខជំនាញ International and Regional Studies សិក្សានៅសាកលវិទ្យាល័យ China Three Gorges ខេត្ដ Hubie ប្រទេសចិន សម្រាប់ឆ្នាំសិក្សា២០២៣-២០២៤។

ក្នុងឆ្នាំ២០២៣នេះ សាកល- វិទ្យាល័យ China Three Gorges ខេត្ត Hubei នៃប្រទេសចិន សម្រេចផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ ចំនួន ៥កន្លែង ដល់និស្សិតកម្ពុជា ដើម្បីទៅសិក្សាលើមុខជំនាញ International and Regional Studies ជាភាសាអង់គ្លេសរយៈពេល ០២ឆ្នាំ នៅសាធារណរដ្ឋប្រជាមានិតចិន សម្រាប់ឆ្នាំសិក្សា២០២៣-២០២៤។ ភាគីមិត្តរ៉ាប់រងតែថ្លៃសិក្សា (ថ្លៃសាលា) ប៉ុណ្ណោះ ចំណែកឯការចំណាយផ្សេងៗទៀត ជាបន្ទុករបស់សាមីជន។

បេក្ខជនដែលមានចំណាប់អារម្មណ៍ចំពោះកម្មវិធីអាហារូបករណ៍ខាងលើ សូមអញ្ជើញមកចុះឈ្មោះ និងបំពេញ ពាក្យសុំអាហារូបករណ៍ នៅការិយាល័យអាហារូបករណ៍ និងកម្មសិក្សា នៃនាយកដ្ឋានទំនាក់ទំនងវប្បធម៌ និងអាហារូបករណ៍ អគារលេខ២៣ ផ្លូវ៣៦០ សង្កាត់បឹងកេងកង១ ខណ្ឌបឹងកេងកងរាជធានីភ្នំពេញ (ខាងកើតស្ថានីយទូរទស្សន៍អប្សរាប្រហែល ៥០ម៉ែត្រ) ) ចាប់ពីថ្ងៃផ្សាយដំណឹងនេះតទៅ រហូតដល់ថ្ងៃទី០២ ខែមិថុនា ឆ្នាំ២០២៣ វេលាម៉ោង ១៦:០០នាទី។

ផ្អែកលើចំនួនបេក្ខជនដែលបានដាក់ពាក្យ ក្រសួង នឹងជ្រើសរើសយកបេក្ខជន ចំនួន ០៥នាក់ ដើម្បីបញ្ចូនទៅក្រសួង ការបរទេស និងសហប្រតិបត្តិការអន្តរជាតិ បន្តនីតិវិធី ៕

ប្រភព៖ MoEYS Cambodia