ពិធីការិនី និងតារាសម្តែង ដួង ហ្សូរីដា ជួបទុក្ខធំ ព្រោះម្តាយជាទីស្រឡាញ់បានទទួលមរណភាព

(ភ្នំពេញ)៖ តារាសម្តែង និងពិធីការិនី ដួង ហ្សូរីដា ជួបទុក្ខធំ ព្រោះម្តាយជាទីស្រឡាញ់បានទទួលមរណភាព ក្រោយពីតស៊ូនឹងជំងឺមហារីកអស់រយៈពេលជាច្រើនឆ្នាំ។ ដោយកាលពីរសៀលថ្ងៃទី០១ ខែឧសភា ឆ្នាំ២០២៣ ដួង ហ្សូរីដា បានប្តូររូបភាព និងបង្ហោះសារខ្លីយ៉ាងក្រៀមក្រំឱ្យដឹងតាមហ្វេសប៊ុកថា៖ «លោកម៉ែឈប់ឈឺទៀតហើយ លោកម៉ែគេងអោយលង់លក់ចុះ ជាតិនេះជាតិក្រោយកូនស្រឡាញ់លោកម៉ែរហូត»។

ក្រោយពីឃើញសារដ៏ទុក្ខក្រៀមក្រំនៃមរណភាពរបស់ម្តាយ ដួង ហ្សូរីដា ភ្លាមនោះ គេក៏ឃើញក្រុមមិត្តភក្តិរួមអាជីពសិល្បៈបានផ្ញើសារចែករំលែកទុក្ខជាច្រើនហូរហែរផងដែរ៕