ក្រុមហ៊ុន Apple ទទួលបានសិទ្ធប្រើប្រាស់ប្រព័ន្ធស្កេនមុខ ដើម្បីដោះសោរថយន្ត ដោយមិនបាច់ប្រើកូនសោរ

ក្រុមហ៊ុន Apple ទទួលបានសិទ្ធប្រើប្រាស់ប្រព័ន្ធស្កេនមុខ ដើម្បីដោះសោរបើកទ្វាររថយន្ត ដោយមិនចាំបាច់ប្រើប្រាស់កូនសោរសម្រាប់ចាក់បើកទ្វាររថយន្តនោះទេ។ បើយោងតាមសារព័ត៌មាន CARSCOOPS បានចុះផ្សាយថា ការប្រើប្រាស់ប្រព័ន្ធស្កេនមុខដើម្បីបើកទ្វាររថយន្តនេះមានពីរជម្រើស គឺទីមួយលោកអ្នកអាចទិញឧបករណ៍បន្ថែមមួយទៅដំឡើងនៅក្បែរទ្វារថយន្ត ដើម្បីធ្វើការស្កែនមុខបើកទ្វារថយន្ត និងមួយជម្រើសមួយទៀតលោកអ្នកអាចប្រើប្រាស់កម្មវិធីស្កេនមុខដែលមាននៅក្នុងទូរស័ព្ទ iPhone ស្រាប់ (ចាប់ពីសេរី iPhone X ឡើងទៅ) តែម្តងក៏បានដែរ។ បច្ចេកវិទ្យាចុងក្រោយនេះ ​ត្រូវបានគេបានគេមើលឃើញថា គឺបានផ្តល់ភាពងាយស្រួល និងទំនើបបំផុតសម្រាប់លោកអ្នកក្នុងពេលបច្ចុប្បន្ន។ លោកអ្នកអាចទស្សនាវីដេអូគំរូខាងក្រោមនេះ៖

អត្ថបទ៖ ភក្តី

ប្រភព៖ carscoops