អបអរសាទរ! តំបន់ប្រាសាទកោះកេរ ត្រូវបានដាក់បញ្ចូលជាសម្បត្តិបេតិកភណ្ឌពិភពលោក

(ព្រះវិហារ)៖ អបអរសាទរ បុរាណវិទ្យាកោះកេរ ត្រូវបានដាក់បញ្ចូលជាសម្បត្តិបេតិកភណ្ឌពិភពលោក ដែលបានទទួលស្គាល់ពី UNESCO។

នេះបើយោងតាមការចុះផ្សាយរបស់គណនីផេក UNESCO CAMBODIA បានឱ្យដឹងថា៖ “ដំណឹងថ្មីពីបេតិកភណ្ឌពិភពលោក!
អបអរសាទរប្រទេសកម្ពុជា ដែលបានចុះបញ្ជីតំបន់ប្រាសាទកោះកេរ៖ រមណីយដ្ឋានបុរាណវិទ្យា លិង្គបុរៈ ឬឆោកគគីរ ក្នុងបញ្ជីបេតិកភណ្ឌពិភពលោករបស់អង្គការយូណេស្កូ!
អង្គការយូណេស្កូ ទទួលស្គាល់ពីសារៈសំខាន់ផ្នែកប្រវត្តិសាស្ត្រ និងស្ថាបត្យកម្មពិសេសនៃរមណីយដ្ឋានបុរាណវិទ្យាកោះកេរ និងតម្លៃជាសាកលដ៏លេចធ្លោរបស់ខ្លួន ដែលជាកិត្តិយសដល់កេរដំណែលដ៏យូរអង្វែងនៃអរិយធម៌ខ្មែរ និងការខិតខំប្រឹងប្រែងរបស់ប្រទេសកម្ពុជា ដើម្បីការពាររតនសម្បត្តិរបស់ខ្លួនសម្រាប់មនុស្សជាតិជំនាន់ក្រោយ”៕






អត្ថបទ៖ និស្ស័យ
ប្រភព៖ UNESCO Cambodia