កម្លាំងនគរបាលខណ្ឌឫស្សីកែវ ចាប់បានម៉ូតូចំនួន ៩គ្រឿង ដែលកែច្នៃបំពង់ស៊ីម៉ាំងប្រែនខុសបច្ចេកទេស បង្កឱ្យការរំខានដល់អ្នកដទៃ

រាជធានីភ្នំពេញ៖ នៅថ្ងៃទី១៩ ខែមីនា ឆ្នាំ២០២៤ យោងតាមការចុះផ្សាយរបស់ ស្នងការដ្ឋាននគរបាលរាជធានីភ្នំពេញ បានឱ្យដឹងថា ដោយអនុវត្តតាមការណែនាំ និងបទបញ្ជាជាប្រចាំរបស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី១៨ ខែមីនា ឆ្នាំ២០២៤ កម្លាំងអធិការដ្ឋាននគរបាលខណ្ឌឫស្សីកែវ បានធ្វើការបង្រ្កាប និងឃាត់ចាប់ម៉ូតូកែច្នៃបំពង់ស៊ីម៉ាំងប្រែនខុសបច្ចេកទេស បំពង់សំឡេង បង្កឱ្យមានការរំខានដល់អ្នកដទៃ និងធ្វើឱ្យបាត់បង់សណ្តាប់ធ្នាប់សាធារណៈ ចំនួន០៩គ្រឿង ខណៈកម្លាំងធ្វើការល្បាតពួនស្ទាក់ក្នុងមូលដ្ឋាន។

១. ម៉ូតូម៉ាក MSX ពណ៌ខ្មៅ ពាក់ផ្លាកលេខគ្មាន បើកបរដោយឈ្មោះលឿង សៀង ភេទប្រុស ទីលំនៅឃុំគុជស្រុក ស្រុកប្រាសាទសំបូ ខេត្ត កំពង់ធំ មុខរបរ លក់ដូរ។

២. ម៉ូតូម៉ាកCB១៥០ ពណ៌ស្លែ ពាក់ផ្លាកលេខភ្នំពេញ ១HK-៤៨០៧ បើកបរដោយឈ្មោះ ជា សេងហាក់ ភេទប្រុស មានទីលំនៅផ្ទះលេខ ២០១ភូមិ ព្រែកតាសេក សង្កាត់ព្រែកតាសេក ខណ្ឌជ្រោយចង្វារ មុខរបរលក់ដូរ។

៣. ម៉ូតូម៉ាក M SLAS ពណ៌ក្រហម ពាក់ផ្លាកលេខតាកែវ ១AC-១៤២៩ បើកបរដោយឈ្មោះសុខ សុភ័ក្ត្រ ភេទប្រុស មានទីលំនៅផ្ទះលេខជួល ភូមិ បឹងសាឡាង សង្កាត់ឫស្សីកែវ មុខរបរ អ្នកថតរូប។

៤.ម៉ូតូម៉ាកនិច ពណ៌ ស ពាក់ផ្លាកលេខភ្នំពេញ ១FK-៦២៤៧ បើកបរដោយឈ្មោះជាវ ស៊ុយហុង ភេទប្រុស ទីលំនៅ ភូមិក្រោលគោ សង្កាត់គីឡូម៉ែត្រលេខ៦ មុខរបរបសិស្ស។

៥. ម៉ូតូម៉ាកហុងដា WINNER X ពណ៌ក្រហម ពាក់ផ្លាកលេខភ្នំពេញ១JF៩១៥២ បើកបរដោយឈ្មោះ វ៉ា វីរះ ភេទប្រុស មានទីលំនៅភូមិវាលតូច អណ្តូងពោធិ ស្រុកបារាយណ៍ ខេត្តកំពង់ធំ មុខរបរកសិករ។

៦. ម៉ូតូម៉ាក NEX2 ពណ៌ក្រហម ពាក់ផ្លាកលេខភ្នំពេញ ១HL-៦៥៦៧ បើកបរដោយឈ្មោះឈឿន ចាន់វិសាល ភេទប្រុស មានទីលំនៅផ្ទះលេខ៨០ ភូមិចុងខ្សាច់ សង្កាត់ទួលសង្កែ១ មុខរបរសិស្ស។

៧. ម៉ូតូម៉ាក ហុងដា ZOOMer ពណ៌ក្រហម ពាក់ផ្លាកលេខភ្នំពេញ ១FX-៦១៥៧ បើកបរដោយឈ្មោះហេង វណ្ណធីវង្ស ភេទប្រុស មានទីលំនៅ ភូមិសាមគ្គី សង្កាត់ឬស្សីកែវ មុខរបរ សិស្ស។

៨. ម៉ូតូម៉ាកហុងដា ZOOMer X ពណ៌ក្រហម ខ្មៅ ពាក់ផ្លាកលេខភ្នំពេញ ១GX-៩២៣៧ បើកបរដោយឈ្មោះលឹម លីហេង ភេទប្រុស មានទីលំនៅភូមិខ១ សង្កាត់ច្រាំងចំរេះ១ មុខរបរ សិស្ស ។

៩. ម៉ូតូម៉ាក EXeit E R ពណ៌ប្រផេះខៀវ ពាក់ផ្លាកលេខភ្នំពេញ ១H-៤០៨១ បើកបរដោយឈ្មោះ អេង ម៉េងឆាយ ភេទប្រុស មានទីលំនៅភូមិគៀនឃ្លាំង សង្កាត់ព្រែកលៀប ខណ្ឌជ្រោយចង្វារ មុខរបរ សិស្ស ។

បច្ចុប្បន្នម៉ូតូខាងលើ កម្លាំងជំនាញបានយកមករក្សាទុកនៅអធិការដ្ឋាននគរបាលខណ្ឌឫស្សីកែវ ដើម្បីចាត់ការតាមនីតិវិធី៕

ប្រភព៖ ស្នងការដ្ឋាននគរបាលរាជធានីភ្នំពេញ