ត្រៀមខ្លួនហើយនៅ! ខេត្តកំពត នឹងរៀបចំព្រឹត្តិការណ៍ «កំពតសង្ក្រាន្តឆ្នាំ២០២៤» រយៈពេល៣ថ្ងៃ ជាមួយកម្មវិធីកម្សាន្តសប្បាយៗជាច្រើន
- BY
- srey nuch
- March 25, 2024
ខេត្តកំពត៖ យោងតាមការចុះផ្សាយរបស់ មន្ទីរព័ត៌មានខេត្តកំពត បានឱ្យដឹងថា រដ្ឋបាលខេត្តកំពត នឹងរៀបចំព្រឹត្តិការណ៍ «កំពតសង្ក្រាន្តឆ្នាំ២០២៤» រយៈពេលបីថ្ងៃ ចាប់ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២៤ ខាងមុខនេះ។
ដើម្បីចូលរួមអបអរសាទរបុណ្យចូលឆ្នាំថ្មីប្រពៃណីជាតិខ្មែរ ឆ្នាំរោង ឆស័ក ពុទ្ធសករាជ ២៥៦៧ ដែលឈានចូលមកដល់នាពេលដ៏ខ្លីខាងមុខនេះ រដ្ឋបាលខេត្តកំពត នឹងរៀបចំព្រឹត្តិការណ៍ «កំពតសង្ក្រាន្តឆ្នាំ២០២៤» រយៈពេលបីថ្ងៃ ចាប់ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២៤ ខាងមុខនេះ។ ក្នុងគោលបំណង សំដែងអំណរសាទរស្វាគមន៍ចំពោះការចូលមកដល់នៃឆ្នាំថ្មី សំដៅបង្កើននូវមនោសញ្ចេតនាគោរព ស្រឡាញ់ សាមគ្គីភាព សិទ្ធស្នាល និងទទួលបាននូវសព្ទសាធុការពរពីទេវតាឆ្នាំថ្មី ព្រះនាម មហោទរាទេវី តាមប្រពៃណីជាតិ និងដើម្បីទាក់ទាញភ្ញៀវជាតិ អន្តរជាតិមកទស្សនាលេងកម្សាន្តខេត្តកំពត។
រដ្ឋបាលខេត្តនឹងរៀបចំកម្មវិធីកម្សាន្តជាច្រើនមានដូចជា៖ ការលេងល្បែង ប្រជាប្រិយ ការសម្តែងសិល្បៈ ការប្រគុំតន្ត្រី ការបាញ់ទឹករាំកម្សាន្ត(រង្វង់មូលទុរេន) ការបាញ់កាំជ្រួចជូន ទស្សនា (នៅមុខសាលាខេត្តកំពត) រួមនឹងការតុបតែងលម្អអគ្គិសនីបំភ្លឺតាមដងផ្លូវសាធារណៈសំខាន់ៗ និង រមណីយដ្ឋាននានាក្នុងខេត្តផងដែរ។
អាស្រ័យដូចបានគោរពជម្រាបជូនខាងលើ សូមបងប្អូនប្រជាពលរដ្ឋភ្ញៀវជាតិ អន្តរជាតិ អញ្ជើញចូលរួមកម្សាន្តសប្បាយឲ្យបានច្រើន ៕
ប្រភព៖ មន្ទីរព័ត៌មានខេត្តកំពត
- Share This Post: