អាមេរិក៖ បេក្ខជនឈរឈ្មោះជាប្រធានាធិបតីមកពីគណបក្សសាធារណរដ្ឋ លោក Donald Trump បានរួចផុតពីការប៉ុនប៉ងធ្វើឃាតជាថ្មីម្តងទៀត ​​​​​​​នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃចន្ទ ទី១៦ ខែកញ្ញា។ ករណីប៉ុនប៉ងធ្វើឃាត Donald Trump នេះបានកើតឡើងតាំងតែពីថ្ងៃអាទិត្យ ម្សិលមិញម្លេះ ខណៈពេលដែលរូបលោកកំពុងលេងវាយកូនហ្គោលនៅក្នុងទីក្រុង West Palm Beach រដ្ឋ Florida។

ប្រភពខាងលើបានបន្តថា គិតត្រឹមពេលនេះជនសង្ស័យដែលបានប៉ុនប៉ង់បាញ់សម្លាប់លោក Donald Trump ត្រូវបានចាប់ប៉ូលិសអាមេរិកចាប់ខ្លួនបានហើយ ខណៈប៉ូលិសក៏បានរកឃើញកាំភ្លើងប្រភេទ AK-47 ចំនួនមួយដើមជាភស្តុតាងផងដែរ។ បើតាមអាជ្ញាធរអាមេរិកបានបញ្ជាក់ថា ​ជនសង្ស័យមានឈ្មោះថា Ryan Wesley Routh មានអាយុ ៥៩ឆ្នាំ ជាពលរដ្ឋអាមេរិក ដែលមានទីលំនៅក្នុងរដ្ឋ Hawaii៕

អត្ថបទ៖ ភក្តី

ប្រភព៖ Channel News Asia