iPhone XR ជំនាន់ទី2 នៅឆ្នាំនេះ អាចនឹងខ្ចីមុខងារកាមេរ៉ាខ្លះរបស់ iPhone XS ដើម្បីមកដាក់លើខ្លួនវា

iPhone XI និង iPhone XI Max បានក្លាយជាប្រធានបទ ដែលពេញនិយមសម្រាប់ស្មាតហ្វូនបន្ទាប់របស់ក្រុមហ៊ុន Apple ។ ប៉ុន្តែក្រុមហ៊ុននេះបែរជាកំពុងអភិវឌ្ឍអ្នកស្នងតំណែងបន្ទាប់របស់ iPhone XR ទៅវិញ ដោយនឹងបន្ថែមកាមេរ៉ា Telephoto មួយគ្រាប់ទៀតដូចទៅនឹង iPhone XS ដែរ ។ តាមប្រភពព័ត៌មានពីអ្នកផ្គត់ផ្គង់នៅប្រទេសចិន បានអះអាងថា iPhone XR 2 នឹងមានកាមេរ៉ាដូចទៅនិង iPhone XS ដែរ ដោយទទួលបាននូវកាមេរ៉ាពីរគ្រាប់ ។ ហើយសម្រាប់ sensor ដែលនឹងយកមកប្រើប្រាស់លើ iPhone XR 2 នេះ អាចនឹងយកមកពី iPhone XI ដែលវាអាចនឹងធ្វើឲ្យតម្លៃរបស់ស្មាតហ្វូននេះរាងធូរថ្លៃ ហើយវាក៏មានអត្ថប្រយោជន៍ច្រើនផងដែរ ។  បើព័ត៌មានទាំងអស់នេះ មិនទាន់មានការកែប្រែអ្វីទៀតនោះទេ វាបានបង្ហាញថា កាមេរ៉ាក្រោយនឹងមានទំហំ 12មេហ្គាភិចសែល មួយគ្រាប់ទៀត អាចជាឡេន Telephoto x2 និងកាមេរ៉ាមុខទំហំ 7មេហ្គាភិចសែល ។

ថ្មីៗនេះមានរូបភាពបែកធ្លាយតាមបណ្ដាញសង្គមនានា ដែលបង្ហាញពីរូបរាងកាមេរ៉ាខាងក្រោយរបស់ iPhone ដែលគ្រប់គ្នាបានសន្និដ្ឋានថាជា iPhone XI ស្មាតហ្វូនជំនាន់ក្រោយរបស់ Apple នោះ ហើយគ្រប់គ្នាក៏គិតថា iPhone XR 2 អាចនឹងមានការចនាបែបនេះដែរ ប៉ុន្តែការគិតនេះវាប្រហែលជាមិនអាចកើតមានលើ iPhone XR 2 បានឡើយ ។ ការសាកថ្មតាម Wireless ពីទូរស័ព្ទមួយ ទៅទូរស័ព្ទមួយទៀត ដុំសាកថ្មលឿន អាចនឹងមានភ្ជាប់មកជាមួយស្រាប់តែម្ដង តែសម្រាប់ខ្សែសាកប្រភេទ C នឹងមិនមាននៅលើ iPhone XR 2 ឡើយ ។ iPhone XR 2 អាចនឹងប្រកាសបង្ហាញខ្លួននៅខែកញ្ញា ជាមួយនឹង iPhone XI និង XI Max ផងដែរ សម្រាប់ព័ត៌មានតម្លៃ មិនទាន់មានការបង្ហាញណាមួយនៅឡើយទេ ប៉ុន្តែការប៉ាន់ស្មាន iPhone XR 2 អាចនឹងមានតម្លៃ 749ដុល្លារ ចំណែក iPhone XI និង XI Max អាចនឹងមានតម្លៃ 999 ដុល្លារ និង 1099 ដុល្លារ ។

អត្ថបទ៖ ឧស្សាហ៍
ប្រភព៖ phonearena