នាវាទេសចរណ៍មួយ ឈ្មោះ «Seabourn Encore» របស់សញ្ជាតិ ប៉ាហាម៉ាស ចូលចតនៅកំពង់ផែស្វយ័តក្រុងព្រះសីហនុ

យោងតាមការចុះផ្សាយរបស់ កំពង់ផែស្វយ័តក្រុងព្រះសីហនុ នៅរសៀលថ្ងៃទី ៣១ ខែធ្នូ ឆ្នាំ ២០២៤ បានឱ្យដឹងថា នាវាទេសចរណ៍ ឈ្មោះ «Seabourn Encore» របស់សញ្ជាតិ ប៉ាហាម៉ាស ចូលចតនៅកំពង់ផែស្វយ័តក្រុងព្រះសីហនុ។

តាមការបញ្ចាក់របស់ កំពង់ផែស្វយ័តក្រុងព្រះសីហនុ បន្ថែមថា នៅវេលាម៉ោង ៦:៣០ នាទីព្រឹក ថ្ងៃទី៣១ ខែធ្នូ ឆ្នាំ២០២៤ នាវាទេសចរណ៍ ឈ្មោះ «Seabourn Encore» សញ្ជាតិរបស់ ប៉ាហាម៉ាស ដែលមានប្រវែងបណ្តោយ ២១០៥ម៉ែត្រ ប្រវែងទទឹង ២៨ម៉ែត្រ ជម្រៅ ៦ម៉ែត្រ បានចូលចត នៅកំពង់ផែស្វយ័តក្រុងព្រះសីហនុ ដោយសុវត្ថិភាព។ ក្នុងគោលបំណងមកទស្សនា ប្រទេសកម្ពុជា រយៈពេល ១ ថ្ងៃ បន្ទាប់ពីចេញដំណើរមកពីប្រទេសវៀតណាម។

នាវាទេសចរណ៍នេះ មាននាវិកសរុបចំនួន ៤០២នាក់ (ស្រី ១០៣នាក់) មាន ៤៧ សញ្ជាតិ និងមានភ្ញៀវទេសចរណ៍សរុបចំនួន ៤៧០នាក់ (ស្រី ២៥០នាក់) មាន ៣៣ សញ្ជាតិ។ ចំនួនសញ្ជាតិដែលមានភ្ញៀវច្រើនជាងគេ គឺសហរដ្ឋអាមេរិក (១៧០នាក់) អង់គ្លេស (៧៦នាក់) និងអូស្រ្តាលី (៦៣នាក់) ហើយនាវាទេសចរណ៍នេះ នឹងចាកចេញទៅប្រទេសថៃ នៅវេលាម៉ោង ២០:០០ នាទីយប់នៅថ្ងៃដដែល៕

ប្រភព៖ កំពង់ផែស្វយ័តក្រុងព្រះសីហនុ