ឱកាសការងារ! ក្រសួងអភិវឌ្ឍន៍ជនបទ ជ្រើសរើសមន្ត្រីជាប់កិច្ចសន្យាសម្រាប់ឆ្នាំ ២០២៥ ចំនួន ០៩នាក់

(រាជធានីភ្នំពេញ)៖ នៅរសៀលថ្ងៃទី ៣ ខែមករា ឆ្នាំ ២០២៤ នេះ ក្រសួងអភិវឌ្ឍន៍ជនបទ បានចេញសេចក្ដីជូនដំណឹងពី ការជ្រើសរើសមន្ត្រីជាប់កិច្ចសន្យាបម្រើការងារនៅទីស្តីការក្រសួងអភិវឌ្ឍន៍ជនបទ សម្រាប់ឆ្នាំ ២០២៥ ចំនួន ០៩នាក់។

ចំពោះលក្ខខណ្ឌនៃការជ្រើសរើសមានដូចខាងក្រោមនេះ៖

ក. លក្ខខណ្ឌនៃការជ្រើសរើស

. បេក្ខជនទាំងពីរភេទអាចមកដាក់ពាក្យស្នើសុំការជ្រើសរើសឱ្យចូលបម្រើការងារជាមន្ត្រីជាប់កិច្ចសន្យា នៅទីស្តីការក្រសួងអភិវឌ្ឍន៍ជនបទ ដោយត្រូវបំពេញលក្ខខណ្ឌដូចខាងក្រោម៖

-បេក្ខជនទាំងពីរភេទ ត្រូវមានសញ្ជាតិខ្មែរ និងមានអាយុយ៉ាងតិច ១៨ ឆ្នាំ

-ត្រូវមានសញ្ញាបត្របរិញ្ញាបត្រ ឬសញ្ញាបត្រសមមូលឡើងទៅ ដូចមានកំណត់ខាងលើ

-បេក្ខជនត្រូវមានចំណេះដឹងផ្នែកភាសាអង់គ្លេស (ស្លាប់ សរសេរ អាន និងនិយាយ) ចេះប្រើប្រាស់កម្មវិធី Microsoft Word & Excel, PowerPoint, Internet)

-បេក្ខជនជានារី និងជនពិការភាពត្រូវបានផ្តល់អាទិភាព។

ខ. នីតិវិធីនៃការជ្រើសរើស
ការជ្រើសរើសមន្ត្រីជាប់កិច្ចសន្យាឱ្យមកបម្រើការងារនៅទីស្តីការក្រសួងអភិវឌ្ឍន៍ជនបទ ត្រូវធ្វើ ឡើងជាពីរដំណាក់កាល ដូចខាងក្រោម៖

១. គណៈកម្មការជ្រើសរើស ត្រូវពិនិត្យលើពាក្យស្នើសុំចូលបម្រើការងារ ប្រវត្តិរូប សញ្ញាបត្រ និងឯកសារពាក់ព័ន្ធរបស់បេក្ខជន រួចជ្រើសរើសអ្នកដែលមានលក្ខណៈសម្បត្តិសមស្របមកធ្វើការ សម្ភាសផ្ទាល់មាត់ ដើម្បីធ្វើការពិនិត្យ និងសម្រេចជ្រើសរើស។

២. ក្រោយពីបេក្ខជនជាប់ជាស្ថាពរ ត្រូវធ្វើការបែងចែកទៅតាមអង្គភាពជំនាញនីមួយៗ។

ប្រភព៖ ក្រសួងអភិវឌ្ឍន៍ជនបទ