ហាមធ្វើរឿងទាំងនេះ បើអ្នកចង់ឲ្យដំបូលស័ង្កសីរបស់អ្នករក្សាគុណភាពបានយូរ

មិនថានៅកន្លែងណា ឬទីណាក៏ដោយក្នុងប្រទេសកម្ពុជា អ្នកតែងតែឃើញមានផ្ទះដែលប្រក់ដំបូលដោយប្រើស័ង្កសី។ នេះសបញ្ជាក់ឲ្យឃើញថាចំណូលចិត្តនៃអ្នកប្រើស័ង្កសីសម្រាប់ប្រក់ដំបូលគឺមានចំនួនច្រើន បើប្រៀបធៀបជាមួយអ្នកដែលប្រក់ដំបូលដោយប្រើក្បឿង ឬស៊ីប្រូស៊ីម៉ងត៍ ព្រោះថាស័ង្កសីគឺមានតម្លៃធូថ្លៃ ស្រួលរកទិញ និងងាយស្រួលក្នុងការតំឡើងជាង។

មនុស្សភាគច្រើនយល់ថា ថ្វីត្បិតតែស័ង្កសី មានតម្លៃធូថ្លៃ និងងាយស្រួលក្នុងការតំឡើងក៏ពិតមែន តែវាក៏ឆាប់ឡើងច្រែះ ឬធ្លុះធ្លាយផងដែរ ដោយដំបូលស័ង្កសីអាចប្រក់បានតែ ២ ឬ៣ឆ្នាំប៉ុណ្ណោះវានឹងចាប់ផ្តើមច្រែះធ្លុះធ្លាយ។ ជាការពិតណាស់បើអ្នកមិនស្គាល់ពីផលិតផលស័ង្កសីច្បាស់ និងមិនដឹងពីរបៀបថែរក្សាទុកដាក់ឲ្យបានល្អ ដំបូលស័ង្កសីរបស់អ្នកនឹងឆាប់ពុកច្រែះជាទីបំផុត។ ផ្ទុយមកវិញ បើអ្នកស្គាល់ពីផលិតផលស័ង្កសីច្បាស់ និងដឹងពីរបៀបនៃការថែរក្សាវាឲ្យបានល្អ អ្នកអាចមានដំបូលស័ង្កសីដែលជាប់ធន់បានយូររហូតដល់ជាង ១០ឆ្នាំ។ សូមទស្សនាវីដេអូខាងក្រោម ដើម្បីយល់ច្បាស់ពីការថែរក្សាទុកដាក់ដំបូលស័ង្កសីឲ្យបានល្អ និងរក្សាគុណភាពបានយូរ៖