សម្ដេចបវរធិបតី ហ៊ុន ម៉ាណែត៖ រឿង​សមត្ថកិច្ច និងរឿងឯកឧត្តម សុខ ទូច ទុកឱ្យអាជ្ញាធរមានសមត្ថកិច្ចធ្វើការងារនេះចុះ ហើយរឿងលូមួយកង់តម្លៃ ៤០ដុល្លារ អាជ្ញាធរក៏បានពន្យល់រួចអស់ហើយដែរ

នៅព្រឹកថ្ងៃពុធ ៧រោច ខែមាឃ ឆ្នាំរោង ឆស័ក ព.ស.២៥៦៨ ត្រូវនឹង​ថ្ងៃទី១៩ ខែកុម្ភៈ ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា អញ្ជើញចែកសញ្ញាបត្រជូននិស្សិតសាកលវិទ្យាល័យអាស៊ីអឺរ៉ុប ចំនួន ២,៥៥១នាក់ នារី ១,១៦៩នាក់។

នាឱកាសនោះដែរ សម្ដេចបវរធិបតី ហ៊ុន ម៉ាណែត បានមានប្រសាសន៍ថា រឿង​សមត្ថកិច្ច និងរឿងឯកឧត្តម សុខ ទូច ទុកឱ្យអាជ្ញាធរមានសមត្ថកិច្ចធ្វើការងារនេះចុះ។ ដោយឡែករឿងលូមួយកង់តម្លៃ ៤០ ដុល្លារ អាជ្ញាធរក៏បានពន្យល់រួចអស់ហើយដែរ។

សម្ដេចបវរធិបតី បានប្រសាសន៍ថា៖ «រឿងប៉ូលីស និងឯកឧត្តម សុខ ទូច ទុកឱ្យប៉ូលីសគេបកស្រាយ ហើយធ្វើកិច្ចការសម្រួលអីចុះ។ ហើយរឿងលូមួយកង់ ៤០ដុល្លារ អីនោះ ខ្ញុំគិតថា អជ្ញាធរខេត្តបានពន្យល់ហើយ…..ខ្ញុំសូមមិនពន្យល់ទៀតទេ »៕

អត្ថបទ៖ លីនី