មន្ទីរពេទ្យ ហ្លួង ម៉ែ ជ្រើសរើសបុគ្គលិកអនាម័យជាប់កិច្ចសន្យា ចំនួន ១១រូប ចាប់ពីថ្ងៃ ជូនដំណឹងនេះតទៅ

(រាជធានីភ្នំពេញ)៖ នៅល្ងាចថ្ងៃទី ២៩ ខែឧសភា ឆ្នាំ ២០២៥ នេះ មន្ទីរពេទ្យ ហ្លួង ម៉ែ បានជូនដំណឹងពី ការជ្រើសរើសបុគ្គលិកអនាម័យជាប់កិច្ចសន្យា ចំនួន ១១រូប បម្រើការងារនៅមន្ទីរពេទ្យ ហ្លួង ម៉ែ។

មន្ទីរពេទ្យ ហ្លួង ម៉ែ ត្រូវការជ្រើសរើសបុគ្គលិកអនាម័យជាប់កិច្ចសន្យា ចំនួន ១១រូប ដែលមានលក្ខណៈ សម្បត្តិដូចខាងក្រោម៖

-សុខភាពល្អ និងកាយសម្បទាម៉ាំមួន

-មានភាពរួសរាយរាក់ទាក់ សាមគ្គីភាព ទំនាក់ទំនងការងារល្អ និងមានក្រមសីលធម៌

-ឧស្សាហ៍ព្យាយាម អំណត់ ស្មោះត្រង់ និងទទួលខុសត្រូវខ្ពស់ ។

បេក្ខជន បេក្ខនារី ដែលមានចំណាប់អារម្មណ៍ សូមមកដាក់ប្រវត្តិរូប (មានបិទរូបថត) និងពាក្យសុំចូល បម្រើការងារ ដោយភ្ជាប់មកជាមួយនូវ ឯកសារថតចម្លងរួមមាន អត្តសញ្ញាណប័ណ្ណ សៀវភៅគ្រួសាឬសៀវភៅ ស្នាក់នៅ សំបុត្របញ្ជាក់កំណើត មកដាក់នៅការិយាល័យរដ្ឋបាលនៃមន្ទីរពេទ្យ ហ្លួង ម៉ែ រៀងរាល់ម៉ោងធ្វើការ ចាប់ពីថ្ងៃ ជូនដំណឹងនេះតទៅ៕

ប្រភព៖ មន្ទីរពេទ្យ ហ្លួង ម៉ែ