វិទ្យាស្ថានពហុបច្ចេកទេសភូមិភាគតេជោសែនស្វាយរៀង ត្រៀមរៀបចំស្នាដៃរបស់សិស្សនិស្សិតចំនួន ៧ជំនាញនេះ ដើម្បីដាក់បង្ហាញ

(ខេត្តស្វាយរៀង)៖ នៅល្ងាចថ្ងៃទី ១៤ ខែមិថុនា ឆ្នាំ ២០២៥ នេះ ក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា វិទ្យាស្ថានពហុបច្ចេកទេសភូមិភាគតេជោសែនស្វាយរៀង ត្រៀមរៀបចំស្នាដៃរបស់សិស្សនិស្សិតចំនួន ៧ជំនាញនេះ ដើម្បីដាក់បង្ហាញ។

លើសពិនេះ វិទ្យាស្ថានពហុបច្ចេកទេសភូមិភាគតេជោសែនស្វាយរៀង នឹងរៀបចំទិវាជាតិអប់រំបណ្តុះបណ្តាលបច្ចេកទេសនិងវិជ្ជាជីវៈ (TVET Day) លើកទី៨ ឆ្នាំ ២០២៥ ក្រោមប្រធានបទ « TVET បង្កើតឱកាសការងារ សាងក្តីសង្ឃឹមដល់យុវជន» នៅបរិវេណវិទ្យាស្ថានផ្ទាល់ នាថ្ងៃទី ១៥ មិថុនា ឆ្នាំ ២០២៥ ស្របតាមសារាចរណែនាំរបស់រាជរដ្ឋាភិបាល។

ក្នុងនោះវិទ្យាស្ថានខាងលើក៏នឹងរៀបចំដាក់បង្ហាញស្នាដៃរបស់សិស្សនិស្សិតចំនួន ៧ ជំនាញមានដូចជា៖

១. ស្នាដៃជំនាញអគ្គិសនី

២.ស្នាដៃជំនាញមេកាត្រូនិក

៣.ស្នាដៃជំនាញអេឡិចត្រូនិក

៤.ស្នាដៃជំនាញរថយន្ត

៥.ស្នាដៃជំនាញមេកានិកឧស្សាហកម្ម

៦.ស្នាដៃជំនាញសំណង់ស៊ីវិល

៧. ស្នាដៃជំនាញបរិក្ខារត្រជាក់។

វិទ្យាស្ថានក៏អំពាវនាវដល់សិស្ស និស្សិត យុវជន មាតាបិតា អាណាព្យាបាល ប្រជាពលរដ្ឋទូទៅ ចូលរួមឱ្យបានច្រើនកុះករក្នុងកម្មវិធី TVET Day លើកទី៨ ឆ្នាំ២០២៥ នៅវិទ្យាស្ថានផ្ទាល់ មានទីតាំងស្ថិតនៅភូមិមេភ្លើង សង្កាត់ស្វាយរៀង ក្រុងស្វាយរៀង ខេត្តស្វាយរៀង៕

ប្រភព៖ ក្រសួងការងារ និងបណ្តុះបណ្តាលវិជ្ជាជីវៈ